– * 40 سنة النظام فاسد وما تدمرت كنيسة أو جامع.
40 سنة ماضل كنيسة أو جامع مو مربوط بفرع مخابرات، وصاروا عناصر الأمن ببيوت الله هني الآمرين الناهيين.
اقرأ أيضاً: أين المجزرة؟
– * 40 سنة النظام مو عاجبكن والكهربا واصلة لابعد نقطة بسوريا.
40 سنة والعالم نسيو مشكلة الكهربا ونحنا بسوريا وقبل ال2011 نظام التقنين عنا 4 ساعات بتجي و4 بتقطع.
– * 40 سنة النظام المستبد وربطة الخبز بـ15 ليرة.
40 سنة ومشكلة الخبز بسورية ما انحلت ، اللي انكتب وانصرف على مسألة الخبز بسوريا جعل منها القضية الأولى بحياة المواطن السوري، وصار الخبز هو مقياس الحياة والرفاهية، أن تبقى مشكلة الخبز ببلد متل سوريا محور رئيسي في حياة المواطن هي وصمة عار في تاريخ النظام السوري .عمركن سمعتو بسوريا أزمة خبز غير بهي ال40 سنة؟؟
– * 40 سنة من فساد النظام وجامعاته ومشافيه مجانا.
40 سنة من حكم هاد النظام تراجعت جامعة دمشق من التصنيف ضمن ال500 جامعة الأولى في العالم إلى ما بعد ال5000 ، وصارت جامعات سوريا أفرع مخابرات، كانت الجامعة السورية بؤرة الحراك السياسي صارت أفرع مخابرات، وأصبح تعيين عمداء الكليات ورؤساء الجامعات لايخضع للمعايير العلمية بل أصبح يخضع للمعايير المخابراتية واللصوصية، صارت المشافي بسوريا اسمها المسالخ وصارت روائح الدم والفساد أكتر من روائح المعقمات.
– * 40 سنة بحكم النظام والدولار شبه ثابت .
40 سنة بحكم النظام انتقل سعر الدولار من 3,60 الى 48 ليرة أي أكثر من 13 ضعف.
– * 40 سنة بحكم النظام وعنا أمان وبترجع بآخر الليا وماحدا بيتعرضلك.
40 سنة بحكم النظام فات ع السجون السورية ما يقارب مليون سوري، كان بيكفي تقرير مخبر ساقط ليوديك بستين داهية، وتحول القضاء لبازار لبيع القانون.
– * 40 سنة بوجود هاد النظام ما اندبح أطفال ونساء.
40 سنة بوجود هاد النظام اندبح جيل بكامله في مؤسسات طلائع البعث والشبيبة، وتشرد بسوريا في ظل هذا النظام مئات آلاف السوريين خارج سوريا (عائلات المعارضين السياسيين) ولأول مرة في تاريخ سوريا يسجن الأطفال كرهائن وتلد النساء في السجون .
– * 40 سنة فساد وما انقتل شيخ أو خوري.
40 سنة من حكم النظام انقتلوا وتهمشوا كل رجال الدين الحقيقيين وما ضل بالواجهة الا رجال الدين المرتبطين بالمخابرات ، وسوريا اللي كان الدين فيها عامل تعايش واندماج تحول في حكم هذا النظام الى عامل فرقة وتعصب وحقد.
– *40 سنة وسوريا رمز لكل عربي ومهد حضارات العالم .
40 سنة تحولت سوريا – اللي علم ابناؤها الوطن العربي من المغرب لحتى عمان – الى بلد يعمل المدرس فيه سائق تكسي لكي يأكل خبز ، وصارت سوريا اللي قدمت للعالم أبجديتها الأولى المركز الأول في العالم لانشاء التنظيمات الارهابية وتصديرها ، سوريا مهد الحضارة ماضل فيها الا 13 دار سينما من أصل 435 قبل وصول هاد النظام وما ضل فيها الا 3 مسارح بتقدم بالسنة عدة عروض ، وتحولت مراكزها الثقافية الى مراكز للشبيحة وعبادة القائد.
– * سنتين وبس حرية وانسوا كل اللي حكيناهن رجعت سوريا 100 سنة لورا وصرنا اكثر شعب موجوع بالعالم .
سنتين بس ولما الشعب السوري قلوا لهاد النظام بيكفي…
شو عمل النظام :
ماخلى كنيسة أو جامع وما دمرها.
فوت الجيش والمخابرات لقلب الجامعات وعمل منها ثكنات وفروع مخابرات بسجون وغرف تعذيب.
اعتقل فقط خلال هي السنتين اكثر من 230 الف سوري.
ارتكب أكثر من عشرين مجزرة موثقة.
قتل منهن خلال سنتين بس 13 الف معتقل .
قصف شعبه بالأسلحة الكيميائية.
بهي السنتين بس دمر النظام اكتر من 300 الف بيت سوري.
وهجر بهي السنتين مليون و800 الف سوري بين الداخل والخارج.
وجاب كل وسخ الأرض بس ليقتلوا الشعب السوري.
ولك دخيل رب الثورة اذا بدها تخلصنا من أقذر نظام في العالم، ويلعن أبو أبونا وما منكون ولاد سوريا إذا منخلي هيك نظام.
