عطريق فلسطين شو ممكن تصادف يا «مناضل»

فلسطيني يلوح بعلم بلاده خلال اشتباك مع قوات الاحتلال الاسرائيلي قرب رام الله امس (ا ف ب)

ليك بما انو انت مناضل “عطيق” ومحدد انو فلسطين البوصلة أولا وأخيرا .. تعا لخبرك شي …
ع طريقك لفلسطين انتبه من العتمة ..لأنو ما في كهربا ولا ضو ويمكن نفوت ببعضنا كلنا ..
كمان يمكن نوقع بشي جورة للبلدية الكريمة، وانتبه من الاختلاط منيح انت ورايح ..
يعني ما معقول نروح نسوان ورجال لانو البلدية ما بتسمح ..
كمان امشي الساعة 8 بالليل حتى ما يكونوا “الاخوة السوريين ” معنا .. بهالوقت بكونوا ممنوع يتجولوا ..
وبس توصل لخلدة سكر منخارك ع طريق فلسطين لانو في مطمر هونيك ..مش حلوة تواجه العدو وريحتك زبالة ..
كمان بما انو فلسطين البوصلة، انتبه ما يطلعلنا شي فلسطيني من المخيمات لانو وضعهم الامني مش مريح الك كلبناني مناضل ..
وبطريقك لنفس البوصلة، انتبه على صحتك لانو ما في مستشفى مستعدة تستقبلك اذا ما مغطى صحيا ..
وما تروح من ميلة البحر لأنو ملوث، يعني بتوصل على الناقورة وبتقشط بارضك من الامراض..
وخود معك اكل مطابق، لانو اذا جعت كمان يمكن تتسمم وما حلوة توصل معك اسهال من التسمم بوج العدو الصهيوني ..
وتجنب قد ما فيك الحوادث الفردية لانو اذا دارت المشاكل الفردية بينك وبين باقي اللبنانيين، بتعرف الكل مسلح ويمكن اذا علقتوا بين بعض يوصل منكم واحد او 2 على ابعد تقدير ..
واذا كنت بتقبض الحد الادنى للاجور يمكن توصل ما معك مصاري، ما فيك تكون ” شحاد ومقاتل” ..لانو بالبوصلة بتطلع متل “الشحاد ومشارط ” ..
هلق يلي بقلك انو البوصلة هاي ما بدها كل هالقصص وبيكفي انو كرامة وكبريا والالتزام بالقضية، بإيدك ع نيعو دغري لانو يلي بيحكي بفلسطين اقل شي يكون انسان بيعرف يجيب حقو الشخصي ع القليلة ..
والدول الفاشلة المعدومة يلي متل افضالنا بتصير عبء على اي قضية بتتبناها …

السابق
هولاند طلب من بريطانيا الإسراع في مغادرة الإتحاد الأوروبي
التالي
الموضة الإسلامية