١. لما واحد يسألك إذا إنت فاضي، على طول بتقول ” لأ والله … كثير شغل اليوم”، بس إنت بكون ما عندك غير الفيسبوك و الإنستجرام على الأجندة
٢. كل ما تقعد عالمكتب، بتعمل حالك مركز وبشده، بس إنت عم بتتفرج على قنواتك المفضلة على اليوتوب
٣. لما تكون قاعد بإجتماع .. بتسمع أول كلمتين بعدين بيبدأ خيالك يلعب .. بتصير تتخيل انك راغب علامة على ” أرب ايدول”، ومحمد عساف ال-“بست فريند” أو صديقك الصدوق
٤. مرات بالإجتماع بتقاوم النوم .. بتكون أصلاً إنت مش تعبان، بس الزهق واصل لفل (طبقة) مش طبيعية
٥. إذا بتدخن (واحنا مليون بالميه ضد التدخين) ما بتصدق حدة يقولك “تنزل إتدخن؟”
٦. إذا مديرك بدو يعطيك شغل .. بتصير تقول لحالك “كيف بيتجرأ يعطيني شغل! أنا أعمل هذا الشغل .. أنا؟؟؟” .. لا تصدق حالك بس
٧. الوتساب و فيسبوك شات شغال حريقة! ما بيسكت لأنه بتصير تفكر بكل بني آدم ما حكيت معا من أيام الطفوله .. “يا ربي،
شو صار بعبد الله من أيام سنة أولى جامعة؟ خليني اسلخ ميسج على الفيسبوك”
٨. بتتذكر الشغل بآخر لحظة .. قبل موعد التسليم بشعرة!
٩. إذا حدة سألك سؤال عن الشغل، وإنت مش عارف الجواب .. بتبدأ تخترع شغلات من “مؤخرتك”، والمشكلة انك بتصدق الحكي
رهيب فيد
