في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الصور التي انتشرت لقائد فيلق القدس في الحرس الثوري قاسم سليماني وهو يتجول في حلب.
إقرأ أيضاً: عقصة لـ«الممانعة»: كيف بتشمت بطفل تحت الأنقاض عم يئن، بإمرأة اغتصبت!
وجاء في الحلقة:
“أنه ليش مستغربين؟؟ ليش كتير هيك .. أنه مدهوشين أنتو والإعلام بأنه تمشى بشوارع حلب ؟؟ ما أصلا عادي .. وطبيعي .. وبديهي .. ياللي عمله .. وهاد بالأساس ديدن المحتلين ..
بعدين مش أول مرة بتصير هالحركة .. ليكه قبل منه .. معلمينه .. آرييل شارون تمشى بشوارع بيروت .. وقبل منه موشي ديّان تمشى بشوارع القدس .. فهيدي حركة طبيعية بيحاول فيها المتمشي أنه يثبت انتصاره من خلال تجوله بشوارع كانت محرمة عليه لفترة، وبالأخص إذا كانت كاسرتله مناخيره من قبل .. وقاهرته . وحارقته وحارقة أنفاسه وأنفاس اللي كانوا عم يحاولوا يحتلوها من قبل ..
هيدي الحركة بتنعمل .. إذا المنطقة اللي عم يتمشى فيها .. طولت كتير وهي مستعصية على الغزاة أمثالن .. ودخولها كان بمثابة نشوة انتصار وهمي .. ما تحقق ببطولة الغازي أد ما هو بسبب تخاذل إخوان المدينة اللي انغزت ..
تمشى منيح بشوارعها .. تفرج على مبانيها .. شم روايح الموت يللي نشرتها أنت وعصاباتك بكل زاوية من زواياها .. جيب كرسي واقعد تفرج .. متل ما عمل نيرون لما حرق روما وقعد يستلذ بمنظرها .. بس نصيحة .. خف اجرك شوي .. واستعجل بالجولة .. لأنه الطفل اللي غادر هالمدينة بسبب اجرامك .. راجعلك .. مش رح قول راجع ياخد بتاره منك .. لالالا .. هيدا الطفل .. راجع معه سطل مي وممسحة وقنينة مطهر .. ليمسح الطرقات اللي مشيت فيها .. ويمسح بطريقه جبين العرب !!
#بلال_مواس
#عقصة_دبور”.
