بالصوت.. عقصة لـ«بشار الأسد»: بدك تشوف الثوار اذا بيقبلوا يشملك العفو‏

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى موضوع العفو الذي أثاره مؤخراً الرئيس بشار الأسد.

إقرأ أيضاً: بالصوت.. عقصة لـ«البلدية»: وين المدافعين عن البيرة؟!

وجاء في الحلقة:


يحرق حريشك ملا رئيس .. ولك خواصري ما عادت تحمل .. ييييي دخلكن دخلكن .. ولك قريت الخبر بصوت عالي .. قام ابني فرط من الضحك .. وبنتي قلبت على ضهرها وبنتي الصغيرة لهلأ ما عم أقدر سكتها .. ولك حتى سنوو وايت .. البسين اللي عنا .. كل نتفة يطلع فيني ويقللي مياوههههههههههههه .. ويهز كله سوا
قال شو .. قال الأسد أصدر مرسوم بقرار عفو عن كل مين حمل السلاح إذا بيسلم نفسه خلال 3 أشهر .. يا ربي دخيلكن دخيلكن .. بس بدي أعرف مين هالمستشار اللي خبره يعطي هالقرار .. لو كان سماحة أبو صبير موجود برا كنا قلنا هو .. بس لا لا .. قال يسلم نفسه .. قال .. هههههههههه
عم أتخيل أبو بكر البغدادي .. أو أبو محمد الجولاني .. جايين عالقصر الجمهوري يعطوه السلاح ويسلموا أنفسهم .. ييييي .. بس بدي أعرف كيف بيطلعوا معك هالنهفات .. يا ربي يا ربي .. والله ما عاد فيني .. عم أتخيل المنظر .. .. ههههههههههههه … لالا .. وواثق من نفسه كتير .. ويا أرض اشتدي .. أنا عملت عفو .. العفو منك دكتور .. ولك بدك تشوف إذا الثوار بيقبلوا يشملك العفو .. بدك تشوف إذا الشعب وافق أنك تسلم سلاحك ويعفي عنك .. قال بده يعفي عاللي بيسلم سلاحه .. هههههههههههههه
روح روح من وجهي روح … فرطتلي مرارتي … ما رح قللك يبعتلك الهنا لأنك ما بتستاهل .. بس رح قللك يبعتلك واحد ياخد حق كل نقطة دم نزلت من الشعب السوري بسببك .. ياخدها من عيونك عامص .. وما يلحقك عفو ولا تلحق تتوب .. يقتلك في قلبك أشك … وحش !!
#عقصة_دبور”

السابق
جعجع: «حزب الله» لا يريد انتخاب عون ويُبقي الرئاسة معلَّقة لمقايضتها ببقاء الأسد
التالي
التيار الوطني الحر فصل عبس وعون ونصرالله… فكيف علقوا!