في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الضريبة التي فرضتها بلدية أحد البلديات على سائر اللبنانيين من خارجها باعتبارهم أجانب:
إقرأ أيضاً: بالصوت.. عقصة لـ«حزب الله»: الي بيتو من ازاز مش من حقه يستنكر
وجاء في الحلقة:
“اليوم الحلقة 326، بدي أعتذر منكم، ما انتبهت، عن جد ما حسيت، ما لفت نظري، يعني لو ما إحدى البلديات كاتبة أنه الدخول عالحديقة العامة اللي عندهن ب 2000 ليرة للأجنبي .. إيه ما كنت بالمرة عرفت إني أجنبي !!
سامحوني بالله عليكم، إذا الحلقات السابقة ما كنتوا عم تفهموا علي، اعذروني إذا كنت عم أحكي بلغة أجنبية، أصلاً أنا من لما خلقت حسيت حالي إني موجود بيناتكن بالغلط .. حسيت أنه عرقي أوروبي، ودمي أمريكي وثقافتي أفريقية .. قول .. يا بلال .. أنت مش أنت .. أنت مش عربي .. أنت أجنبي .. واليوم .. تثبتت من هالشي .. لما أوصل عالحديقة بدي فوت، يقولولي تفضل .. ادفع 2000 ليرة .. لأنك أجنبي !!
إيييييييييه .. وين كنت مخبا هالمواهب يا أبو البيل ؟؟ أتاريك طلعت أجنبي وما كان معك خبر .
وبالمناسبة .. وين وزارة الداخلية وين الأصوات ياللي كانت ترتفع مع كل قرار كانت تتخذه أي بلدية ما بيعجب خاطرهم ؟؟ وين جماعات الحريات والحقوق ؟؟ وين المدافعين عن البيرة ؟؟ وعن الافطار بنهار رمضان ؟؟؟ وين مواقفهم ؟؟ وين كلامهم ؟؟ وين استنكارهم ؟ وين لساناتهم ؟؟ أكلها القط ؟؟ ولا بس الشغلة تكون فيها تلطيش ديني بيتحركوا ؟؟ وطالما الشغلة عنصرية وطائفية ومناطقية وعروبية بياخدوا دور الأصنام ؟؟
#عقصة_دبور”.
