فيما لا يزال ملف التحقيقات بجريمة تفجير مرفأ بيروت مكتوم المصير والنتائج، سجّلت جمعية اهالي ضحايا انفجار المرفأ وقفة احتجاجية في بيروت اليوم الجمعة تنديداً بتعطيل التحقيقات.
وتلى ابراهيم حطيط بيان الجمعية قائلاً: “سنة وسبع شهور الوقت عم يمشي والتحقيق معطل ولنسأل نفسنا أي تحقيق معطل. تحقيق في متين وتلاتين ضحية. تحقيق في نص عاصمة مدمر ومئات ألاف الجرحى المتضررين. عم تسألو لي معطل؟ معطل لان في البعض بمجلس الاعلى للقضاء رافض يعين قضاة نزيهين َمابردو عتلفوناتون”.
اضاف: “سمعوا منيح يالبنانية بدون يعينوا قضاة تحت امرون وبيعملولن البدون ياه خلي الكل يعرف لي الملف معطل لان رافضين يعينوا القضاة الشرفاء الي رفضوا يكفوا ايد القاضي بيطار لانو على حق ولانو عم يشتغل صح.
لهيك هل المرة حنكتفي بتحذير مين عم يعرقل تعيين القضاة بالهيئة العامة لمحكمك التمييز ومنقلوا اذا الموضوع طول أكتر من هيك الأهالي حيكونوا عندك بالبيت قريبا وقد اعذر من انذر”.
وتابع: “بدي قول لكل النواب الي عم يجتمعوا ماعم تخجلوا من نفسكن وانتو مجتمعين مع نايبين متهمين بالانفجار ومطلوبين للمحاسبة. ولو مافي حدا بهل البلد بيوقف مع الحق وبيرفض الجلوس معون عنفس الطاولة؟ وين أمن الدولة منهم وين الامن الداخلي ومخابرات الجيش من تنفيذ مذكرات التوقيف؟ ولأيمت حتبقي هل وصمة العارعجبين كل حدا تارك متهمين بانفجار المرفأ طليقي الأيدي”؟
وختم: “وأخيرا الأهراءات شاهد على مجزرتكم مش رح تنهدم لو مهما جربتو من اساليب. نحنا منعرف كتير منيح انو ما بتفيد التحقيق بعد ما قطع سنة و ثمانية اشهر.
و منعرف كثير منيح انو انتو السياسين بدكن تهدوها وما حدا غيركن. بس من اكدلكن انو قبل ماتبين الحقيقة ويتحاسبوا َمصاصين الدماء ما رح تنهدم. خصوصي انو بعض أشلاء أهلنا بعدها هونيك نتيجة إهمال الدولة و ما في غير الحقيقة رح يعوضلنا هل شي. واإذا قلبكن عاللبنانية عمروا اهراءات بغير مطرح، وماتتحججوا بمرفأ بيروت لان ماحدا مصدقكون بأي كذبة”.
