إعلامية أخرى تُغادر الـLBC.. وكلمات وداعية مؤثرة!

إعلامية أخرى تنضم الى عدد من الإعلاميين والإعلاميات اللواتي غادرن قناة الـLBC بالتزامن مع الأزمة المالية الخانقة التي تعصف بلبنان عموماً المؤسسات الإعلامية خصوصاً، فبكلمات وداعية مؤثرة، ودّعت الإعلامية ليال الاختيار مشاهدي “‏lbci‏” بعد سنتين أطلت من خلالهما على ‏شاشة المؤسسة اللبنانية للإرسال، حيث ستبدأ تجربة ‏جديدة على شاشة الحرة الأميركية. ‏

وقالت الاختيار بكلمات مؤثرة توجهت بها للمشاهدين وللمؤسسة اللبنانية للإرسال ‏والشيخ بيار الضاهر: ” من سنتين جيت لهون خايفة مرعوبة وقلقانة، خايفة ‏من الفشل ومرعوبة من اسم الـ ‏lbci‏ ومن الاسماء الموجودة بالـ ‏lbci‏ وقلقانة من ‏اني اندم، وبسنتين كل شي معقول يصير صار، لدرجة انه اول اطلالة الي على هوا ‏ال ‏lbci‏ بنشرة صباحية طافت في الطرقات فقعدت ٦ ساعات نقل مباشر بوقت يلي ‏كانت يمكن اول تجربة مباشر الي، سنتين غطيت فيها قد عشر سنين من العمل ‏الاعلامي بظروف طبيعية، ثورة، انهيار مالي، كورونا ، ازمة منطقة وغيرها ما ‏في شي ما صار، سنتين قعدت فيهن بالمحطة اكتر بكتير كتير من ما قعدت ببيتي” ‏‏. ‏

اضافت: “بعد سنتين تعبت متل كتار من جيلي، مش بس من ضغط الشغل ، بل من ‏الضغط النفسي يلي عم نعيشه، لانه نحنا شباب ما خلقنا تا نموت لا من الجوع ولا ‏من الفقر ولا نموت كرمال صراعات ما النا فيها . نحنا شباب مش رح نرضى ‏يموت الامل فينا وبعدنا بعز عطائنا، لهيك قررت فل، فل تا ضل عم بحلم وتا ‏ضل عم انجز وتا ضل عم حقق “. ‏

وختمت: “جمهور الـ ‏lbci‏ يلي رافقني بالسنتين لولاكم انا ما شي، لادارة ‏محطة الـ ‏lbci‏ يلي دعمتني ووقفت حدي بقول بحبكم كتير ، لكل الضيوف يلي ‏وثقه فيني وطلعوا معي على مدار السنتين بشكركم من كل قلبي، بعد سنتين وبأخر اطلالة الي على هوا هيدي المحطة رح قول للشيخ ‏بيار الضاهر ، سألتني بأول مرة شفتني فيها مين انت ؟ .. اليوم بعد سنتين رح قلك ‏انا بنت ال ‏lbci‏ ورح ضل بنت ال ‏lbci‏ لو وين ما رحت ولو شو ما صرت”.

https://twitter.com/layal_alekhtiar/status/1333046664202948621
ليال الإختيار اعلامية ال lbc
ليال الإختيار
السابق
جبيل تستعد للاحتفال بالميلاد ككل عام.. وبُشرى من البلدية!
التالي
الملف الحكومي تابع.. علّوش يُحذّر من تنحي الحريري: ليوافق عون على التشكيلة الحكومية!