في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى استهداف المساجد في مصر، وجاء في نص الحلقة:
“التاريخ بيعيد نفسه .. والنظام الحاكم من إيام مبارك .. عم يعيد نفسه
أفلام محروقة من نظام سفاح ما عنده حرمة لبيوت الله
معروف مين اللي بيفجر دور العبادة عبر وزير داخليته ليعمل فتنة بالبلد
معروف مين بيخرب الدني ليقول للناس فوضوني لمحاربة الارهاب
معروف مين ما عنده حرمة لبيوت الله ولا لدور العبادة سواء كانت للمسلمين أو للمسيحين
معروف مين في بداخله دراكولا متعطش للدماء .. وما بيرتوي إلا بعشرات بل مئات بل آلاف الشهداء باليوم الواحد
شهداء مسجد الروضة .. بيذكرونا بشهداء مسجد رابعة والفتح وغيرهن من بيوت ربنا ياللي نظام مبارك المحدث بيحاصر المصلين فيهم وبيقتلهن بدون ما يرفله جفن
تفجير المساجد هي عادة .. موجودة عند طرف واحد .. ما بدها كتير فلهوية وذكا حتى ينعرف مين هو المجرم الأساسي وراها
الارهاب ما اله دين … ولا إله مبادئ ولا إله أسس وقواعد
الارهاب ما بيراعي حرمات ولا بيحترم مقدسات
الارهاب .. هو فكر أسود وكلنا ضده وكلنا منكرهه
بس خلينا بالأول نتفق ونعرف مين هو الارهابي؟؟
وخلينا نحدد إذا كان هالارهابي بلحية وعباية .. أو كان بطقم وكرافات!!”.
إقرأ أيضاً: «عقصة» لـ«جبران باسيل»: غدرونا وغافلونا وطلعوا البيان الختامي .. تحب الله يا سيد سامحنا
