سعد الحريري ارتكب الخطيئة المميتة. سعد الحريري ظهر بفيديو مع مجموعة شباب غنو هلا بالخميس بالجرم المشهود.
سعد الحريري ضحك ومشي من دون ما يهتزلو جفن! معقول هالجريمة معقول زعيم يوقف مع شباب يشاركن أغنية عم يستعملها لبنان والعالم العربي من شهر، ٢٤ على ٧.
له يا سعد، الزعيم ما بشارك الناس فرحتن، لان المفروض يخطف الفرحة ويصادر الضحكة ليكون زعيم مالي تيابو.
معقول الزعيم يوقف بين الناس ويقول كلامن ويضحك عضحكن؟! وين الزعيم الرمز لي بيتضحك عالناس، وبيضحك عبكاهن بيضحك عحسرتن عولادن وعحياتن لي ضيعها بحروبو العبثية.
إقرأ أيضاً: لقاءان مع سعد الحريري: إنسان حقيقي يشبهنا.. ويتقبل النقد
معقول زعيم شاب يعيش لحظة الشباب مع الناس، بدل ما يعيش الدور ويمشي عالشباب ويطلع عكتافن ويهتفولو بالروح بالدم نفديك يا زعيم.
معقول سعد الحريري الملياردير ابن الملياردير يوقف مع شويت متدربين عقد حالن ويصور فيديو معن كانو واحد منن؟ وين الزعيم لي بيشتري وببيع بالناس وبقولو عنو قبضاي وحربوق وبيرفعو صورو عانقاض احلامن.
الأخطر والأنكى انو البعض بقول هاي بتنعمل بكندا بالسويد بس مش بلبنان، يمكن لان هالبعض مصمم انو لبنان بقعة متخلفة بمزبلة التاريخ وممنوع يطل في اي مظهر بسيط من مظاهر الحضارة !!!
سعد الحريري ارتكبت خطيئة مميتة لانك كنت إنسان ببلد الانسان في رخيص.
إقرأ أيضاً: الناشطون يغردون #سفير_الحريري_الي_دمشق .. والحريري يعلّق «مزايدة رخيصة»
الرئيس سعد الحريري و#هلا_بالخميس
مع مضيفات طيران الشرق الأوسط
خلال افتتاح معهد الطيران في مبنى
MEA@MEAAIRLIBAN pic.twitter.com/zV0FEjFU3f— لوريس قسطنطين (@LauriceC) November 1, 2017
