المحامي حسن عادل بزّي: الاستقالة أشرف من أنّه تطمروا أشرف الناس بالزبالة

صدر عن المحامي حسن عادل بزي البيان التالي:
اعلان

بموضوع إقفال مطمر كوستابرافا الاثنين القادم بدي قول كلمتين :
1- نحنا قدمنا الدعوى لنسكر المطمر من سنة بالزبط و لحد هلأ اتحاد بلديات الضاحية الجنوبية و وزارة البيئة ما عملوا بديل و عم يتفرجوا مع نويح بدلاً من تقديم حلول .
2- نحنا قدمنا الدعوى لان نسبة الامراض الرئوية و السرطانية زادت 420 % بسبب ردم النفايات بالبحر و حرقها دون محاسبة يعني عم ندافع عن صحة اولادنا و اولادكن .
3- ردم النفايات بالبحر عم بتم خلاف الاصول و دون فرز و هيدا الشي لوث البحر و سرطن السمك و رح يعرضنا لدفع تعويضات بمئات ملايين الدولارات للدول المجاورة ولا سيما الكيان الصهيوني في حال مقاضاتنا بسبب مخالفة اتفاقية برشلونة .
4- طوال فترة سنة من المحاكمات لم يتواصل معنا أي مسؤول في اتحاد بلديات الضاحية الجنوبية في حين نحنا كحراك قدمنا خطة بيئية شاملة سلمت لوزارة البيئة و لم يتم إقرارها لغاية تاريخه .
5- مطمر كوستابرافا بسبب عدم الفرز استوعب 80% من مساحته ، يعني رح يقفل فينا او من دوننا خلال مهلة اقصاها نيسان 2018 و جماعة الاتحاد عم يتفرجوا و ما عملوا خطة بديلة للمرحلة القادمة .
6- لما ترجع النفايات عالشوارع بكون المسؤول عن الازمة الحكومة و البلديات مش نحنا لانهم قاعدين عالكراسي بيقبضوا بلا ما يلاقوا حل … الاستقالة اشرف من انه تطمروا اشرف الناس بالزبالة.
خلص البيان.

إقرأ أيضاً: القضاء اللبناني والمطامر: هل نغرق في النفايات مجدداً؟

السابق
احتفال تربوي لتكريم العلامة السيد أحمد شوقي الأمين في مجدل سلم الجنوب
التالي
النظام السوري بعد انتصاراته يفك الحظر عن الإعلام المعارض