17 عاماً.. الأسد الأب رحل والأسد الابن مستمر في جرائمه!

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الذكرى السابعة عشرة لرحيل الرئيس السوري السابق حافظ الأسد.

 

إقرأ أيضاً: عقصة لـ«حزب الله»: قرب يا عمي قرب .. شارك معنا بحملة تجهيز مجاهد

وجاء في نص الحلقة:

متل اليوم .. ترك الحرس وترك المرافقة وترك الخدم والحشم .. وراح

متل اليوم .. فات على غرفة الامتحانات وحده .. من دون موتسيكلات .. ومن دون تأمين .. ومن دون إحتياطات أمنية
متل اليوم .. تبين كذب هتاف إلى الأبد .. ورحلت الروح مع الجسد
متل اليوم ومن 17 سنة .. رحل أبن ناعسة .. بعد ما ذبح وقتل وهجّر وشرّد وأباد .. رحل حافظ الأسد .. ياللي ما حافظ على سوريا وشعبها .. ولا كان أسد إلا على المساكين العزّل .. ومع اليهود كان أرنب جبان
راح ليوقف وحده أمام رب العالمين ويتحاسب .. من دون واسطة .. من دون فرع فلسطين .. من دون سجن المزة .. من دون الدولاب والفروج .. من دون العصي وقشاطات مراوح السيارات وكراسي الكهربا .. لا بل على العكس .. راح .. وكل هيدول دين برقبته
راح راس الاجرام .. ودراكولا الدم السوري الطاهر
راح مصاص دماء وخيرات سوريا وأبناء سوريا .. بعد ما كان الفرعون .. ياللي ما كان يريهم إلا ما يرى
راح بعد ما كان النمرود ياللي أغرته أمواله وسلطاته .. راح بعد ما تركلنا وديعة غير وديعة .. وأمانة غير أمينة
راح بعد ما فلت علينا مجرم من المجرمين اللي تربوا على إيديه
متل اليوم ومن 17 سنة .. بعدها بصماته الاجرامية واضحة على كل اللي عم يصير حاليا في سوريا
17 سنة .. والابن حامل رسالة أبوه .. ومكمل في دروب الاجرام والسفك .. والابن .. عم يحاول يفوق الأب شراسة وعنف وظلم واستبداد
متل اليوم ومن 17 سنة .. مات اللي كنا نظن أنه ضد الموت
متل اليوم .. ومن 17 سنة .. مات في سوريا شخصٌ فاسترتحنا من أذاه .. أنجب المقبور ابناً .. فاق في الذبح أباه !!

#بلال_مواس
#عقصة_دبور

السابق
وشوهدت التنف تهوي في البحر!!
التالي
فارس سعيد: بعد استشهاد الحريري لا معنى للمواكب!