في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى حادثة سقوط الطائرة الروسية في البحر الأسود.
إقرأ أيضاً: الطائرة الروسية كانت تحمل فرقة موسيقية لإحياء ليلة رأس استثنائية في سوريا
بتعرف ؟؟ أنا مش شمتان .. ولكني فرحان .. إيه نعم فرحان .. بسقوط الطائرة الروسية وتحطمها بالبحر الأسود .. هيدي الطيارة ياللي كان على متنها 83 شخص غير الطاقم .. بيناتهم عسكريين برتب عالية .. و9 صحافيين .. وأوركيسترا رايحة تعزف للروس الللي موجودين بسوريا حتى تسليهن وترفه عنهم .. فكان الموت أسرع .. وعزفلهن لحنه قبل ما هنة يعزفوا ..
الموت كان أسرع للصحافيين ياللي رايحين يغطوا أخبار تدمير سوريا وحرق سوريا ونهب سوريا .. فصاروا هنة الخبر .. الموت كان أسرع بخطف العسكريين والضباط .. بنفس الطريقة ياللي عم يخطفوا فيها أراواح الشعب السوري .. أرواح نساء سوريا وأطفال سوريا وعجائز سوريا .. فكانت نهايتهن بالطيارة
هون ما في مؤامرة .. وضرب العلاقات .. وإفشال محادثات .. هون ما في تعكير وضرب اتفاقيات ثنائية .. هون في أمر رباني أمرها أنها توقع فوقعت .. بس هالقد.
هون في صاروخ الدعاء ياللي هو أقوى من كل الصواريخ الروسية .. فأصاب الطائرة بمقتل .. لعله أرسله رجل تدمر بيته فوق راسه وراس عيلته .. لعله أرسلته إمرأة .. اغتصبها شبيحة بغطاء روسي .. لعله أطلق من قاعدة طفولية .. عم يدعي على اللي حرمه أهله .. وبيته .. وأمنه وأمانه.
وما رح ننسى الأطافل اللي راحوا على الآخرة ببيركة ومجهود القصف الروسي .. وكنت حابب حمّلكم رسالة إلهم .. ولكن حتماً مش رح تلتقوا .. شو جاب لجاب .. وين إجرامكم ووين براءة الطفولة .. وكلمة أخيرة للانصاف .. البحر الأسود ياللي طول عمره أسود .. بيّضها هالمرة !!
#بلال_مواس
#عقصة_دبور
