«عقصة» لـ«القضاء»: كان بدكم نص مليون لتفرجوا عن الشيخ الطرّاس!

]في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الشيخ بسام الطرّاس والإفراج عنه.

 

إقرأ أيضاً: بالصوت..«عقصة» لـ«بيت الشعب»: مين الجيش الغريب الي ضرب صواريخ وقذائف عالقصر الجمهوري؟

 

وجاء في الحلقة:

“يعني والله ما حلوة منكم هيك .. عيب ولو .. بدكن مصاري مزنوقين بمصاري .. خبرونا .. قولولنا .. ولك طفل صغير بيجمعلكم ياها من خرجيته .. يعني والله مش محتاجة كل هالطنة والرنة .. وتحبسوه للزلمة .. وبالأخير يطلع أنه بدكن تفرجوا عليه بس لازم يدفع 300 ألف وبعدين تصير مليون ..
ولك يا عمي اعتبروها دين مش مشكل .. بس مليون؟؟ .. إذا بدكن أكتر قولوا .. لا تستحوا .. والله منجمعلكم أكتر .. أنا قلت ما معقولة تحبسوا إنسان بريء إنسان عالم .. شيخ .. مفتي .. رجل الفكر .. كرمال 300 ألف أو حتى كرمال مليون .. بس خلاص .. عذرناكم .. بس تاني مرة والله ما في لزوم لهالحركات الصبيانية .. دغري قولولنا نحن بحاجة ل200 أو 300 ألف ليرة مليون ليرة يا أخي.. مندبرهن دغري ..
لأن لما يخلى سبيله بسند إقامة .. ويستأنف القرار ويرمى بغياهب السجون وظلام الاعتقالات ويرجع ينخلى سبيله ب300 ألف ليرة وترجع قصة الدجاجة والبيضة واليوم غاب القاضي ومبارح لعب القاضي وبوكرا مرض القاضي وبالآخر بينخلى سبيله بس بمليون ليرة .. إيه ما بتكون الشغلة شغلة تهمة أو عدل أو قضاء .. بتكون القصة قصة خوّة وتشبيح .. قصة استنسابية وتشليح مصاري ..
وياللي متل الشيخ بسام .. بيندفعله مليون دولار لو لزم الأمر .. مش بس مليون ليرة .. ولكن .. عسى أن تكرهوا شيئاً وهو خيرٌ لكم .. حر يتك وعنفوانك وكرامتك شيخي .. بتسوى عند أحبابك وتلاميذك مال الدني .. بس ميزانن المايل واستنسابيتن وتعسفن وحقدن .. ما بيسووا أكتر من مليون ليرة .. يا بلاش !!

#بلال_مواس
#عقصة_دبور”.

السابق
الثوار يسترجعون ضاحية الأسد ويسقطون العديد من عناصر النظام وحزب الله
التالي
اسرار الصحف الصادرة في بيروت صباح اليوم الجمعة 11 تشرين الثاني 2016