في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى ملف الشيخ بسام الطرّاس الذي ما زال قيد التوقيف.
إقرأ أيضاً: بالصورة..الإفراج عن الدكتور بسام الطراس: المشنوق يتدخل.. ومن يحاسب الإعلام؟
وجاء في نص الحلقة:
” شو يعني قاضي كبير يحقق مع الشيخ بسام الطراس ويطلق سراحه مقابل سند اقامة .. واللي بيعرف شمّة قانون صغيرة بيعرف أنه سند اقامة يعني ما في شي ضده إطلاقا ؟؟
يعني ما في بطاقات ذاكرة خطيرة، وبرنامج مشفر يعني ما في إمارة إرهابية وفكر تكفيري .. يعني ما في تواصل مشبوه ولا تنسيق أمني .. يعني بمختصر مفيد يعني “براءة”
بس كالعادة.. ومتل ما بيقول المتل .. صقرٌ علي ومع غيري حمامة سلام .. الكيدية السياسية اشتغلت .. والعنصرية اشتغلت .. فحمامة السلام صار بدها تعمل صقر .. ولك إيه صقر صقر … صقر .. هيدا اللي بيطير .. واللي بيكونوا نعامة مع غيرنا .. بدهن يعملوا علينا أسود
وراح الموضوع على التمييز .. وليش في تمييز أكتر من اللي عم يصير مع الشيخ الطراس؟؟ أصلا موضوعه من زمان .. بالتمييز .. تمييز عنصري .. تمييز طائفي .. تمييز مذهبي .. تمييز حتى بين المتهمين
الشيخ بسام الطراس .. ما أكل صبير لينخلى سبيله .. الشيخ بسام الطراس ما لقيوا معه متفجرات بالطبونة ليطلق سراحه .. الشيخ بسام ما كان عم يخطط لينسف افطارات وشخصيات ومشايخ .. حتى يترك ويفك اعتقاله
الشيخ بسام .. رجل دين .. الشيخ بسام مفتي .. الشيخ بسام .. عالم .. الشيخ بسام مربي .. الشيخ بسام .. أكاديمي .. مؤسساتي .. الشيخ بسام .. من الذين يتطهرون
وبالختام .. بستذكر بيتين من الشعر ياللي بيقولوا .. إذا جار الوزير وكاتباه .. وقاضي الأرض أجحف بالقضاءِ ، فويلٌ ثم ويلٌ ثم ويلٌ .. لقاضي الأرض .. من قاضي السماءِ !!
#بلال_مواس
#عقصة_دبور”.
