ندى أبو فرحات تطلق صرخة في وجه الدولة: خالتي اندبحت.. والمجرم عم يسرح ويمرح!

ندى أبو فرحات

كتبت الممثلة ندى أبو فرحات عبر صفحتها فيسبوك تدوينة عكست بها أوجاعها وأوجاع الشعب اللبناني وجاء بها:

“ماتو أعز أصحابنا بحوادث سير بسبب حالات الطرقات بلبنان وبوقتا، كان في رئيس جمهورية.
مشاريع فرز النفايات وإعادة تدويرا ممنوعة من التنفيذ، من وقت ما كان في رئيس للجمهورية.
مشاريع الطاقة الشمسية لإنتاج الكهرباء مطفايي، من إيام رئيس الجمهورية.
من بيتي ببيروت لشغلي ببيروت بتاخد نص نهار روحة رجعة من وقت ما كان في رئيس جمهورية.
خالتي انسرقت واندبحت بدكانا والمجرم عم يسرح ويمرح عوقت ما كان في رئيس جمهورية.
اللبناني بعدو بيمشي عالإشارة الحمرا وبدوبل صف ثالث بالعجقة من وقت ما كان في رئيس جمهورية.
الخضار عم يختفي والتعصب كاسح البلد من وقت ما كان في رئيس جمهورية.
عم ندفع معاش النواب ليطمونا بالخرا من وقت ما كان في رئيس للجمهورية.
حاج تتحججو بالفراغ لتخفو فسادكن!
يا ريت منطالب بتعباية الفراغ الموجود بالأدمغة اللي وصلت لبنان لحالتو!
آخ يا بلدي شو إنك بحاجة لدم جديد! لعقل منطقي متطور مسالم و سليم!
آخ يا لبنان شو خرجك الانفتاح والسياحة وشعب بيعرف قيمتك!
شو خرجك شعب بطالب بحقوقو مش بحقوق زعيمو!
شعب بخاف عليك من وحشية العقول المغلقة!
آخ شو بحبك يا لبنان، لبناني إلي، لبناني اللي بحلم في!”.

إقرأ أيضاً: أم علي اللبنانية: لم أرَ إلا جثثاً مقطعة ومحروقة

السابق
المقاومة الإسلامية – التسمية، حقيقتها وشرعيتها
التالي
اتصال نادر الحريري بباسيل ليس اشاعة.. واللقاء حصل ؟