في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطريق للتصريح الذي أشار أنّ المعارضة استغلت انشغال الجيش السوري بصلاة الجمعة لشن هجومها.
إقرأ أيضاً: بالصوت.. عقصة لـ«بشار الأسد»: بدك تشوف الثوار اذا بيقبلوا يشملك العفو
وجاء في الحلقة:
“لكد اغروركت عيناي بالدموع .. لكد أسابتني الكشعريرة .. الآن أدركت سبب انهزام الجيش العربي السوري في معركة حلب .. الأن فأط .. عرفت شو يعني فيلينغ خشوع، بعد اللي قاله ممممم ما بعرف شو إسمه .. أنه غلط نسميه هيك .. ما بيجوز نقله اللي عم ينقال .. هيدا مش نور قنديل .. هيدا لوكس .. لالا .. لامبادير .. لالا يا عمي .. هو أكبر من هيك .. ولك هيدا بروجيكتار !!
قال شو ؟؟ قال المعارضة استغلت صلاة الجماعة لجنود الجيش العربي السوري وشنّت الهجوم على حلب، ولم يقطع الجنود صلاتهم لصد الهجوم .. أبداً إطلاقاً .. أبسولوتلي .. طيب قول والله ؟؟ أنه صلاة الجماعة هيدي دخلك .. كم ركعة؟؟ شو كانت ؟؟ ظهر أو عصر؟؟ يعني ماكسيموم أربع ركع .. يعني كلها على بعضها شغلة أبو خمس دقايق .. ولا تقلي كانوا عم يقروا البقرة وآل عمران.. إنه تقبر قلب أحبابك .. إيه إمام الحرم المكي ما بيقراهن !!
يا زلمة بس فهمني .. كيف بتجيب هيدي الأفكار؟؟ كيف بيطلعوا معك هيك؟؟ يعني أنت بتوقف هيك وبتقول نويت أن أصرّح ؟؟ ولا هيك بيطلعوا معك قفشات ونهفات ؟؟ ليك ؟؟ بربك ؟؟ تعى أعطيك عرض .. عرض مغري .. قال بيقول المتل .. مين أخد ورد ما ارتد .. تعا نقسم البيدر بيني وبينك بالنص .. .. كل يوم .. أنت بتفقع تصريح .. وأنا كل يوم بعمل عنك حلقة وعقصة .. شو قلت ؟؟ ديييييييل أور نو ديييييييييييييل ؟؟؟
#عقصة_دبور”
