والدة خالد العيسى: كان يقلي «يا أمي اذا استشهدت عندك تنين غيري»

كتبت والدة الشهيد خالد العيسى عبر صفحتها فيسبوك:

“يعز عليي أخوكن يستشهد وانتو بعيدين عنو .. بيعز عليي ما ضمكن وشم ريحتكن بأخوكن خالد الله يرحمو .. مرة حكيت مع خالد خبرتو ديربالك على حالك ياعمري قلي (ياأمي اذا استشهدت عندك تنين غيري )بس بعد ما استشهد خالد لقيت عندي كل الي بيحبو خالد ولادي وكل رفقاتو ولادي .. ماتزعلو علي ؟ خالد الله يرحمو كسب محبة الناس وكان لحالو ..مو شرط تكونو كتار لتحمو بعضكن .. الحق وطيبة القلب والشهامة هيي رح تحميكن ..ما بتتخيلوا محبة الناس لخالد شو كبيرة … إلي بيعرفو وإلي مابيعرفو عزوني في .. سألت حالي شو السر إلي خلا الناس تحب لمعة عيونو وضحكتو وبحة صوتو .. لقيت جواب واحد بس .. صفاوة وطيبة قلبو سرت بقلوب المحبين … الله سبحانه وتعالى حب خالد ..أخدو شهيد يوم الجمعة بأيام فضيلة بأرض غريبة .. ليرفع مرتبتو بالدنيا والآخرة … صدقوني صرت عزي رفقاتوا ونسيت حالي ..رح اعمل بوصية خالد ..رح كمل شغلي لعيون خالد رح تكون مزايا روح خالد …. وكل عمل تطوعي بشتغل في لعيون خالد ..”