في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى التفجيرات الأخيرة التي استهدفت بلدة القاع.
وجاء في الحلقة:
“عم أكتب هالحلقة وإيدي على قلبي، إيدي على قلبي لأني قلت لازم أكتب شي عن تفجيرات القاع الصباحية، وكل ما بلش أكتب سطرين، بيطلع إنفجار جديد، يعني والله هيك ما رح أعرف أكتب الحلقة، فصبرت شوي، قلت ليخلصوا تفجيراتهم، وقلت خليني أكتب، وأنا عم أكتب كنت عم تابع أخبار الانفجارات على قناة محلية، عم ياخدوا اتصالات من 8 و14 .. شخصيات 14 آذار على جملة واحدة “هدا ما جنيناه من دخول حزب الله إلى سوريا” و شخصيات 8 آذار، على جملة واحدة “نحن في سوريا من أجل منع هؤلاء من الوصول إلى لبنان” !!
طيب ولو قلبي .. العمى فاعيون العيب العمى، أنت بسوريا من أجل أن تمنع هؤلاء من الوصول إلى لبنان؟؟ وليه إذا أنت بسوريا من أجل أن تمنعهم، وصفقونا 9 تفجيرات .. وليه كيف ما تكون سامحلهن ؟؟ بربك ؟؟ أنت مقتنع بكلامك ؟؟ بعدين شو قصة هيدي قال الحزب سوف يتحرك؟ عينك على عرسال؟؟ وينك .. العراسلة بيحبوا عرسال كتير وبيغاروا عليها، واللي بيحط عينه عليها بيقلعوله ياها .. روح خلي عينك عندك واهتم بنفسك .. خلي عينك على جمهورك، ونزّل عرسال عن ضهرك .. عرسال والقاع وكل المناطق .. لبنانية .. دويلتك ما خصها فيهن .. في عندهن دولة إسمها لبنان .. هي اللي مجبورة تحميهم .. انتبهت كيف؟؟!!”
