فالعريضة والتي جاءت تحت الآية القرآنية “إنما الخمر والميسر والأنصاب والأزلام رجس من عمل الشيطان فاجتنبوه”، اعتبرت أنّ الأماكن المطالب بإغلاقها تؤدي إلى نشر الفساد والسوء كما تؤدي إلى المساس بالشعور الديني والشريعة الإسلامية كونها تتنافى مع عادات أهل البلدة ودينها .
رد الفعل الاكتروني على هذه العريضة :
في مراجعة لآخر التحديثات المتعلقة بهذا “الحدث” على الصفحات الاجتماعية، استوقفتنا موجة اعتراض واسعة ضد هذا المطلب، ليتساءل الأهالي والناشطون عبر حسابتهم الشخصية إن كانت طريق القدس تمرّ أيضاً من كفرمان، أو إن كان هناك توجّه يسعى لإقامة دولة اسلامية في البلدة، مع إشارة البعض إلى أنّ هذه العريضة تتقاطع مع الداعشية وأفكارها وتتعارض مع مبدأ الحريات والعيش المشترك بين اللبنانيين مسلمين ومسيحيين .
إقرأ أيضاً : لماذا يذكّر حزب الله اللبنانيين بمشروع «الدولة الاسلامية»؟
وإليكم البعض من هذه التعليقات :
Lorca Rida
ما عاد الواحد يعرف كيف بدو يوصل ع القدس من كتر الطرقات يلي صارت بتوصل اليها، و اخر اوتوستراد تم تدشينه كفرمان-نبطية-قدس مع نقاط توزيع مياه زمزم و بيسكوي و راحا ع طول الطريق، و لهواة النوع ع كيلو ٦٠ مجالس عاشورائية…..
و جاي تحكيني بالتحالف المرحلي و البعد الاستراتيجي للصراع!
Mazen Khalil
كفرمان خاليه من الكحول أو بعد ؟
لنعرف شو نتصرف !!
قاعد بالسياره ناطر خبر لأعرف إذا بطلع أو لا
#سكرجي_معصب
#البلد_نشل
Maher Ghanem
صوت قرقعه قناني البيره التي احب ، لم و لن يعلو فوق صوت المعركه . #نيومثقفين #كفرموسكو #كفرمان #حقيقه
Ramzi Elhalabi
كفرمان دائما”وعبر التاريخ تدافع عن الوطن وعن الحريات فأقل شي اتضاما”مع ابطالك وكاسك يا وطن
Samer Mazeh
طريق فلسطين تمر من محلات الكحول في كفرمان…
#حزب_الله
Hassan Sabra
بخصوص الإثم الذي ترتكبه بلدية كفرمان.
1_ محافظ النبطية القاضي محمود المولی زلمي مذوق وبينحكی إنو بيشرب كاس فما بظن برد علی بلدية كفرمان.
2_ من فترة مش بعيدة كان عنا محل مشروب بخلدة، ومرة قلي مندوب ألماسا إنو 1200 صندوق بيطلعو من المخازن كل يوم الصبح 500 منهم علی جنوب و700 لباقي المناطق، هيدي الماسا بس، يعني في شي 20 نوع غيرن بين بيرة وفودكا وويسكي… يعني الموضوع كبير والاستهلاك ضخم وبالتالي شركات كبيرة بدها تبيع.
3_ شليتوا البلد بتخلفكن الاقتصادي والبيئي والديني والسياسي يا جاهلين يا دواعش الداخل ، وأخذتوا كل شي. وولادكن عم يشربوا لإنهم مثلكن، بيشربوا بتخلف.
4_صعبي تمنعوا طاولة تركب كل ما اجتمعوا الناس الحلوين بالجنوب. يا ويلي شو صعبي.
#يا_حبوب_بدي_إشرب_بالجنوب
Nadyn Jouny
“داكن” لا هيدا مش لون جديد، هيدي الدولة الإسلامية في كفرمان و النبطية !
“نبطية بدها حرية “
Habiba Darwich
حزبالله يفرض دولته الإسلامية في الجنوب قرية كفرمان .. وغدا سيفرضها في الرابية .
Alex Jamoul
من كفرمان على كفروه 8 دقايق
من كفرمان على القليعه 20 دقيقه
من كفرمان على الرميله 30 دقيقه
يا بهلي انت وياه كنا نقرط مشوار 2 بليل عالكولا يعني 60 كيلو متر يعني ساعه كرمال نشرب قنينه بيره !
Sobhi Abdalla
التحشيش والكبتاكون بسر حلال
إقرأ أيضاً : حزب الله.. على مشرحة التواصل