ماغي فرحات، الشابة الجنوبية التي رشّحها الناشطون على مواقع التواصل الإجتماعي لتُصبح أجمل طبيبة في العالم، بعد أن شُبّهت بالممثلة العالمية أنجلينا جولي، تعود أخبارها لتضجّ من جديد مع حملة “طلعت ريحتكم” والتحركات الشعبية المطالبة بحقوقها.
فقد كتبت فرحات على صفحتها على “فيسبوك” أنّها عندما بدأت تدرس في الجامعة في بيروت، لاحظت كثرة النفايات على الطرقات، وسألت حينها عن رئيس البلدية حيث قالت له أنها مستعدّة لإزالة النفايات يوميًا من الشارع.
وقالت: “نحنا ماشاء الله علينا طمحاتنا ومطالبنا كتير كبيرة. دايماً بدنا كل شي بس ما مستعدين نعمل شي. كلنا كتير “كلاس” لنتعب. أنا مني مع ولا نظام ولا مسؤول ولا طائفة ولا حدا. وما حدا اصلاً فيهن كان أحسن من حدا. بس الأضرب إنو إذا راحو مسائيلنا مين رح يجي؟ حدا منكن؟؟ ما انتو متلن، بس بدكن حقوقكن، بس مين فيكن ما سارق كهربا وبدو يشعشع الدني عالخط السري؟ وبدور المي عزوقو وبدو يسقي الحشيش العطريق كمان؟ أيا موظف دولة ما بيسرق؟ ما بيعمل صبحية نص نهار؟ وبيزعل إذا رفيقو ما تكسلو! منحلم بدنا نظام بس لما بحطو حد للسرعة منتحير اذا منشيل رقم او منشيل النمرة كلا. ومنتحير شو بدنا نتفلسف، عالجورة او عالكوع، او زفت طريق البيت لي سارقينو ما بعرف من وين. بدنا تنظيم مدني بس بدنا نرشي كل البشر لنعمر بعد طابق. كأن نحنا ما جزء منو للبلد وإذا كان ممثلينا كم عشرة خاربين البلد، اذا مشينا صح بيجي نهار بيجلس”.
