هيك ضاعِت كركوك…

وهيك ضاعِت كركوك بلحظة

بغفلة زغيرة من الزمن لمن نام شعب عليها كان مؤتمَن…

وغرقوا العرب بين بعضهم بلعبة الدم

يا ويل أمّة بالفتنة الكفر ل إلها كمَن

بعد ما جفّ دمعنا ع القُدس وفلسطين

وع كرامة أنظمة ممانعة بالحنين والشجن…

هيدا العراق أرض البطولة والثورة بتشرين

شرذمتو الطوايف ل رِبِي فيها التعصُّب والعفن

مبارح ضاع الإسكندرون بحسرة وأنين

واليوم إستشهدِت بكركوك عزّة هالوطن!

مبروك، هيدا الغرب أهداكم أجمل هدية

بإسم الربيع والفوضى وبإسم الحريّة

وصرتو يا عرب ع طاولة التفاوض ورقة

تخزَّقِت بين الفرس والأتراك والدول الغنية!

“روحوا الله يلعن هبلكم”