انتشر عبر مواقع التواصل الاجتماعي، فيديو لحفل تكريم طلاب كلية التمريض من مختلف الجامعات بلبنان، وكانت المفاجأة عندما قام احد الأساتذة في الجامعة اللبنانية الى الكسر بخاطر طالبته بعدما تم اختيارها لتمثيل الجامعة وتكريمها نظرا لكفاءتها وتفوقها الدراسي، الا ان الأستاذ قرر فجأة اختيار طالبة اخرى أثناء القاء كلمتها أمام الجموع، وقد وثقت هذه اللحظات بفيديو أظهر كيف احرج الدكتور الطالبة ما استفز مشاعر الناشطون عبر مواقع التواصل الاجتماعي.
وروت ربى الديقة، عبر فيسبوك ما جرى في الحفل عبر حسابها على فيسبوك “اليوم كان في تكريم لطلاب كلية التمريض من مختلف الجامعات بلبنان.. و بهل تكريم بيتنقّى شخص ليمثل الجامعة و يتكرم لكفائتو، فوقع الاختيار من قبل الأساتذة على أختي جنى الديقة من كلية التمريض-الجامعة اللبنانية نظرا لتفوقها الدراسي و شخصيتها القوية.. و فعلا أختي حضّرت حالها و كانت كتير فخورة انها حتمثل جامعتنا و طلعت عالمنبر و بنص الخطاب اللي عم تلقيه بوقفها مدير كلية الصحة أحمد الرفاعي وسط كل الحشود و بيخجل اختي و بقول انو هوي اختار بنت تانية و بصير يناقشها قدام الكل و بتنزل اختي مكسورة الخاطر.. هيدا الموقف بيعكس المظلومية اللي بيتعرضلها طلاب الجامعة اللبنانية وكرامتهن اللي مدعوس عليها بس لانن تلاميذ جامعة الوطن” شو ما كان الموضوع سوء إدارة أو محسوبية او عنصرية سموها متل ما بدكن تسموها.. اللي بعرفو انو كان الموضوع في ينحل بكتير أساليب أرقى من هيك و بتحفظ ماء الوجه. حابة قول لاختي اني كتير فخورة فيها و بتميّزها و بردّة فعلها المحترمة اللي عكست تربيتها و انبسطت كيف كل الموجودين صارو يدافعوا عنها و يقولو خليها تكمل حكيها. شي مؤسف انو كل العالم بتعرف بالانسانية الا ممثلي هالجامعة. حبيت انقل اللي صار اليوم ليعرف العالم كلو بالشي اللي عم يصير فينا كطلاب، اذا هيك بيعاملونا عالعلن فشو خلو لورا الكواليس؟
كان الموضوع بكل بساطة بينحل بأسلوب ارقى وسوء إدارة التنظيم بتتحملها الكلية مش الطالبة” .
