بعد إنتشار فيديو الشاب الذي هتف أمس الثلاثاء عقب إنفجار “عين قانا“: “شيعة شيعة والله يطول بعمر السيد حسن والرئيس نبيه برّي”، خلال التغطية الإعلامية للإنفجار الذي وقع في المنطقة وسط تضارب في المعلومات حول خلفية الانفجار وسببه، علّق مراسل الجديد آدم شمس الدين على الفيديو الذي إستفز بيئة “الثنائي” ليس فقط اللبنانيين، الذين وجدوا أن لا حاجة لإطلاق مثل هذه العبارات فيما لا تزال المنطقة تحت هول صدمة “الإنفجار”.
وقال شمس الدين في منشور عبر حسابه على “الفايسبوك”: “مبارح بس وصلنا على عين قانا، طلع شاب معي عل هوا وهتف، الفيديو انتشر كتير بسرعة، شي على ضحك شي على مسخرة شي على استنكار وشي على تنميط. بعيدا عن كيف الناس شافت هل فيديو بيسوى ينقال كلمتان عن شو صار بس خلصنا الرسالة. مباشرة اجا عدد من الاهالي بالمنطقة وصارو ينتقدو الشاب يلي طلع هتف “شيعة شيعة” وانه شو الها لزوم ومش وقتها ولشو”؟
أضاف: “طبعا المنزعجين مش قوات لبنانية ومش مسائيل بمكتب الكتائب بضيعة عين قانا، ناس ولاد الضيعة، متلهم متل كتير من الناس بكل الضيع، مع المقاومة ومع حزب الله وحتى مع حركة أمل. استفزن الشعار علما انه مش منفصلين عن البيئة أقله هيدا يلي قالو، في حجة انزعجت لدرجة انه دمعت، قالتلي يا ابني أنا خفت من الانفجار، متل ما الناس ببيروت خافت من الانفجار بالمرفأ، انا مع المقاومة بس هول يلي طلعو هتفوا عم يأذونا شو نحن مش متل كل هل ناس؟ عرضت عليها للحجة قلتلها بتحبي تطلعي تقولي هل حكي بالرسالة الجاي؟ قالتلي بتمنى”.
وتابع: “اجا وقت رسالة المساء وعرف كم شخص من الاشخاص الغيورين ويلي بيتهيبو يطلع أي شي “واقف” عل هوا أنه في حدا طالع يحكي شي مش عارفين محتواه. قبل ما بلش الرسالة عرفت انه الحجة غيرت رأيها، ليش؟ ما بعرف وما سألت احترمت خيارها أو قرارها”.
وختم: “حجة أحكي دخيلك ابقي احكي، كلماتك حقيقية وبتعلم وبتوصل أكتر من أي فيديو بيتسلو العالم في شوي وبيرجعو بينسو”.
الفيديو المنتشر:
