كتبت ريف سليمان عبر صفحتها الخاصة فيسبوك «انا ريف سليمان ، ام ل٣ ولاد صغار، كان و ما زال كل همي ربيهن احلى ترباية بحضني، معززين مكرمين بشهادة كل اللي بيعرفوني و حوليي ولاخر نفس رح حارب كل حدا بدو ياخدن مني و ياخد حقن ، تخليت عن كل شي مقابل حضانتن والوصاية و ما ينزللو باتفاقية طلاق ممضية و مختومة و مبكلة من قبل قاضي الشرع…
عن اي شرع عم بحكي اليوم قررت ما بقى اسكت عن حقي وحق ولادي و اطلع قدام الكل و طالب علنا و بكل جراة القضاء ينصف الحق! ومن هون لجمعة اذا ما حيتحرك القضاء و المحكمة الجعفرية بقضيتي و يشتغلو بحق الله قانون وشرع انا حاطلع عل اعلام و افضح كل المطواطءين و الظالمين و الساكتين عن الظلم و المرتشين.
انا اكيدة في ناس بتخاف الله وبتحكم بالعدل ، بتمنى هل post يوصلن بركي دبت فيهن الشهامة و اخدو خطوة positive بحق ملفي.
الظاهر اللي عم بتعامل معن ما بخافو الله بل بخافو الفضائح و صورتن تتاثر بالمجتمع . كل واحد بدو يخدم فريقه السياسي ، اللي عينه ..
خلصنا بقى قرفتونا… مش يعني امرأة انا ضعيفة ،ولا يعني ما بنتمي لسياسي معين او بمسحلو جوخ يعني ما إلي ضهر ،ولا يعني اذا مني بنت بيك بقبض العالم و معيشتن ما لازم يكون الي صوت ، ولا اذا مش قاعدة ع مبلغ من المال ما إلي حق اطلب حقي… انا طالبي حقي مش اكتر ولو بعد حين …انا عم طالب بأقل حقوقي عيش بسلام من دون تهديد و تحت سقف القانون ! بتمنى كل امراة و ام مظلومة بلبنان ما تسكت عن حقا و حق ولادا !نحنا نص المجتمع يا جماعة اذا مش اكتر! مش مقبول الوسايط! مش مقبول الظلم باسم فلان و علتان ! ليش بدي قبض فلان تا اخد حقي!
وبتعتبو على الناس ليش عم تاخد حقا بايدا !؟ اقل شي بهل عهر الفكري لعايشين في!
لانه ما في بلد و ما في حكم منصف ! و اذا في الواحد بياخدو من بعد ما يموت و تطلع روحو هيدا اذا طلعلو قاضي بخاف الله و منصف! ما بدي خدمة من حدا بدي حقي! الي صوت و بعرف عللي ، ولا بس بدكن صوتي بالانتخابات ! هزلت ! كل حدا فيكن عندو أخت و ام و بنت و خالة و عمة و بنت خال و بنت عم و عرض و رفيقة عمر! بترضو عليهن الظلم ! ما في شهامة! ما في كرامات! ما في رجال و وقفة عز! لايمتى ح نضل ساكتين نتفرج؟ شعب بس بيعرف يارغل و يعيش show off ويعمل like
بتمنى صوتي يوصل للسيد حسن و للأستاذ نبيه بري و الست رندا عاصي بري و للقاضي كنعان لانن ما بتصور بيقبلوا بالظلم بالمحاكم الجعفرية و عندن ولاد و بيعرفو قديش الضنا غالي ! لكل حدا قادر يوصلن صوتي بتشكرو من قلب قلبي و بتمنى صوتي يوصل لكل القضاة تيعرفو أنه في ناس بعدا فايقة و ما رح تسكت عن الحق».
إقرأ أيضاً: ملف المحاكم الشرعية الجعفرية (3): رفع سن «الحضانة» ما زال خارج البحث
