أنا:
حبببي بتتذكر أنه بحرنا ملوث 7248% وملوث بالنفايات والمجارير وأسماكه مسرطنة وملوثة بفعل سياسة الحكومة؟
حبببي بتتذكر أنه في 948 مكب زبالة عشوائي بتم حرقهم على مساحة الوطن وأنت وعيلتك عم تشموا روائح الحرق القاتلة والمسرطنة بفعل قرارات البلديات الحزبية؟
يا قلبي بتحب ذكرك أنك عم تاكل براز ومجارير لما تستهلك خضار وفاكهة مروية بمياه نهر الليطاني، لأن الحكومة ما عملت شبكات صرف صحي وما راقبت المصانع والمطاعم اللي عم تحوّل مجاريرها عليه؟
طيب، إنسى اللي قلتلك ياه بتحب ذكرك إنك عم تدفع فاتورتين كهرباء وياه وأنك بلا ضمان شيخوخة وطبابة مجانية وتعليم مجاني وقاعد بلا شغل وأنه TVA صارت 11% وأنه كل الضرائب زادت و….
بتحب ذكرك أنه الدين العام تخطى 100 مليار دولار بفعل الهدر والسمسرات وسرقة المال العام، هيدا غير فوائد خدمة الدين العام؟
يعني فهمت كيف ومين لازم تنتخب؟
إقرأ أيضا: المحامي حسن بزي يتقدم بشكوى ضد ثامر السبهان
هو:
كلن كلن بعرفن، الحق عالحكومة، شو خص حزبي وزعيمي؟
أنا: حزبك وزعيمك جزء فاعل بالحكومة، روح حدك جهنم والله لا يسامحك لأنك عم تنتخب ذات المجرمين ليكفوا جرائمهم بحقنا.
