في طرابلس حتى البوركيني ممنوعاً: البحر ليس للمحجبات!

كتبت المواطنة الطرابلسية نورا الزعيم عبر صفحته فيسبوك ما واجهته على أحد شواطئ مدينة طرابلس، فقالت:

“من كم يوم قررنا انا و زوجي نحجز. حضرنا حالنا مبسوطين أخدين ابني ابن السنة و نص نسبحو لاول مرة. و طبعا انا جبت burkini مرتب و مثلو مثل ايا لباس سباحة تاني بس مستر”.

مضيفة “للأسف اول ما نزلنا عالشط، اجا Maitre-nageur و قلو لزوجي انو ممنوع المدام تنزل عالمي، سألو ليش قلو هيك القانون. بس طبعا انا طنشت و تركت ابني ينبسط بالمي. خاصة انو دافعين 250$ عالليلة و كنا حاجزين اكتر من ليلة. من بعدا اجا 3 اشخاص غير ال maitre-nageur و طلبو من زوجي انو المدام تطلع من البحر، رجع اجا المسؤول و اصر عهالطلب”.

إقرأ أيضاً: مصممة «البوركيني»: مبيعاتنا زادت… ولهذا ترتديه غير المسلمات!

وتابعت الزعيم “قلتلو هيدا شط ملك للدولة و انا ما أسأت لحدا و بحقلي مثل اي لبناني انزل عالشط. كانت الحجة انو هيك القانون و انو بس تياب البحر مسموحة. مع العلم، و للمرة التانية، لي كنت لابستو مخصص للبحر. يعني حجتو كلا عبعضا مش زابطة. حاولنا نتوصل معو لحل، عرض انو ننزل عالمسبح الداخلي، يللي ما بتجي عليا شمس ولا في عالم يعني بمعنى تاني بدو يخبّينا، بس طبعا ما قبلنا لانو كان فيني سبح ابني بالبانيو بالبيت بلا ما ادفع دكة. للاسف ما تركلنا خيار غير انو نفل و طلبنا منو يرجع المصاري بلا ما يخصم أول ليلة و هيك صار”.

إقرأ أيضاً: بالصُوَر.. تضامناً مع لباس «البوركيني»

ولفتت إلى أنّها لم تتصور أن تمنع يوماً من النزول إلى شاطئ في مدينة طرابلس بسبب حجابها معلقة ” كان في بكل بساطة يطنش، شايف انو أم و أب حابين يسبحو ابنن سوا و كان ابني كتير مبسوط بالمي. تاني مرة لازم تزيدو علائحة القوانين تبعكن كم centimeter من المدام لازم يكون مبين قبل ما تنزل عالمي. يا عيب الشوم عهيك عقلية متعصبة. انا بتأسف انو بعد في هيك نوع من التخلف بلبنان”.

السابق
دفعة سعودية للحريري
التالي
بالفيديو: حادث دهس مروع في النبطية