نشرت الإعلامية اللبنانية في قناة الجزيرة الفضائية غادة عويس عبر صفحتها الرسمية فيسبوك صوراً لوزير الخارجية جبران باسيل وهو يتناول الشاورما وعلقت عليها:
“اسمحوا لي أن أتكلم باللهجة العامية فالموضوع لبناني شخصي هذه المرة:
هلق انا تحاصرت ببيتنا ببيروت تحت القصف ومتت جوع وخوف مع اخواتي واهلي بلا رغيف خبز واحد وبلا مياه وبلا كهرباء واصحابي وقرايبي اكلو قتلة ومنهم انصاب ومنهم انقتل ووالدي أصيب بالسكري بعدما هددته الميليشيات وأمي عملت انهيار عصبي من صوت القذائف فوق رؤوسنا أيام حروب عون مع نظام الاسد ومع قوات جعجع لحتى صهر عون جبران باسيل يصير نائب ووزير وياكل شاورما في ذكرى ١٣ تشرين يوم هربوا وتركونا تحت رحمة شبيحة الاسد من غازي لرستم مع شقفة اتفاق اسمو طائف ضحكو فيه على من يقول عون انه ممثلهم؟؟!
طمني مسيو جبران كانت طيبة الشاورما؟ جابولك ثوم معها او بتفضّل طحينة؟ طب وين ناوي تقضي حفلة راس السنة؟ انشالله عاطول بالأفراح، نحنا منفرح لما نشوفك مرتاح هيك خاصة انو كتير لابقلك العزّ ! شخصية استثنائية متلك طويلة عريضة لابقلك صراحة!”.
إقرأ أيضاً: رسالة من ابنة المقاومة إلى جبران باسيل: حريٌ بك أن تخجل من نفسك
