في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الطبخة الرئاسية التي تشير لمجيء العماد ميشال عون رئيساً للجمهورية.
وجاء في الحلقة:
“ما بدنا رئيس جمهورية .. فاقد الاتزان العقلي.
ما بدنا رئيس جمهورية .. مجنون أو ديكتاتوري.
ما بدنا رئيس جمهورية .. ماشي مع بشار وحليف لأسياده.
ما بدنا رئيس جمهورية .. يوصل بطريقة بتثبت أنه البلد مزرعة اللي خلّفهن يتقاسموا ويخططوا على حساب الشعب.
ما بدنا رئيس جمهورية .. يعتبر 7 أيار إنتصار
ما بدنا رئيس جمهورية .. كرمال الكرسي ممكن يولّع البلد طائفياً
ما بدنا رئيس جمهورية .. يوصف إحدى الطوائف بلبنان بأنهم حيوانات.
ما بدنا رئيس جمهورية .. باع رجاله وهرب، وبوكرا يمكن يبيع البلد ويهرب.
ما بدنا رئيس جمهورية .. يعيّط ويصرّخ على الصحافيين وكأنهم تلاميذ بالروضات
ما بدنا رئيس جمهورية .. يعطي كل المناصب لعيلته وخصوصي أصهرته
ما بدنا رئيس جمهورية .. مرة مع إسرائيل ومرة ضدها، مرة ضد سوريا ومرة معها، مرة ضد الحزب ومرة معه.
ما بدنا رئيس جمهورية .. بيعتبر الجمهورية ميراث عن أبوه وحق شرعي لطايفته
ما بدنا رئيس جمهورية .. إذا ما عطيوه اللعبة، يقوم يحرد ويبطّل يحضر جلسات مجلس الوزرا، ويعرقل مصالح الشعب.
ما بدنا رئيس جمهورية .. يكون رئيس طائفته وبس وما يشوف إلا مصالحه الضيقة
ما بدنا رئيس جمهورية .. يكون عنده تيار، بيمنع عن الشعب التيار الكهربائي حسب المناسبة
ما بدنا رئيس جمهورية .. يزيد عليا سياسة الانبطاح، ويتبع خطوات التزلف ومسح الجوخ
ما بدنا رئيس جمهورية بهيك مواصفات، ولا بدنا كمان، يالّي بيرشح هيك رئيس !!
#بلال_مواس
#عقصة_دبور”
