في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى تنديد حزب الله بجريمة ذبح عبد الله عيسى في حلب.
إقرأ أيضاً: بالصوت.. عقصة لـ«ارهابي السعودية»: قالولك فجر حالك بالنبي لتفطر مع النبي
وجاء في الحلقة:
“استنكر ؟؟ بالله استنكر؟؟ قول والله؟؟ يعني قدر شاف من هون لحلب؟؟ العمى !! ولك كيف ؟؟ كيف هيدي ؟؟ طيب ليك ؟؟ لكم واحد استنكر ؟؟ واحد بس ؟؟ لكن زكاتك تخبره أنه لسا في 183887 شهيد .. ما بده يستنكرلهم ؟؟
هو اعتبر، وأنا كمان بعتبر، مقتل هالطفل وذبحه، جريمة نكراء، واللي عمل هالعمل إرهابي، بس ما بعرف إذا بيعتبر اللي قتل وذبح هالـ 183887 واحد إرهابي أو حنون ؟؟
ما بعرف إذا بيعتبر حزب .. ذبح شعب آمن .. بيكون حزب مع الله، أو حزب عدو الله ؟؟
ما بعرف كيف إله عين يستنكر مقتل شخص .. وبكرر إستنكارنا كلنا وإدانتنا لهالجريمة بس بيعمي عيونه عن كل شي عم يصير من قتل وذبح وقصف وتشويه وحرق وسحل وإغتصاب وتدمير وتخريب بشعب، هيدا الشعب ياللي استقبل شبيحته لما كانوا هربانين من حرب لو كنت أعلم !!
شو ما كانت أسباب هالجريمة فهي مدانة ومستنكرة، وبيحق لكل الناس أنهم يدينوها ويستنكروها، إلا اللي بيته من إزاز .. إلا اللي عم يتوضا بالدم السوري ليصلي صلاة الجنازة على اللي قتلهم بإيديه !!
الكل بيحقله يسجل موقف إلا اللي مواقفه كلها مخزية، وعار على جبينه على مر التاريخ !!
نظره جاب لحلب، بس ما شاف مضايا وأطفال مضايا اللي عم يموتوا من الجوع .. ومن قوة هالجوع، دبحوا البسينات ليقدروا ياكلوا ويعيشوا !!
بيني وبينكم .. علاقة هالحزب بالله .. متل علاقة فرع فلسطين .. بفلسطين !!
#عقصة_دبور”.
