وعليه، لاقت “البوست” التي نشرها الناشط الدكتور حسان سرور استحساناً وتأييداً لدى جمهور الضاحية الجنوبية لما يعانوه من انقطاع المستمر في التيار الكهرباء، والمياه، ورائحة النفايات، والمخدرات، وفوضى السلاح والسرقات، والنشل، ومافيات المولدات، والخوّات… وغيرها من المشكلات التي لا تعد ولا تحصى.
ومن هنا تجد الآلام والمصائب التي يعاني منها جمهور الضاحية وذلك من خلال الردود والتعليقات التي وردت في محضر “البوست”.
وجاء في “البوست”:
منقول…
#أشرف_ناس_بلا_كهرباء_وبلا_ماي
للشيعة 27 نائب .
نصفهم لحزب الله والنصف الآخر ﻷمل .
النواب جئنا بهم لنصرة المستضعفين المظلومين من قبل وحوش النظام اللبناني تاريخيا.
نفس وزارة الصحة أثبتت أن نسبة مرض السرطان في لبنان هي الأعلى . وذكرت أن هذا الداء سببه ما نأكله ونشربه.
وما نأكله ونشربه يفترض أن يكون تحت رعاية مؤسسات يأخذ موظفوها معاشاتهم مني ومنك .
نوابنا همهم الكزدرة وشم الهوا وأعتلاء المنابر ولت الكلام وقد تخلوا عن مسؤوليتهم التي انتخبهم المستضعفون ليقوموا بها
من سنين لهلأ ازمة كهرباء ما عارفيين يحلوها صمالله ع مناطقنا مصنع الجية والزهراني أسوأ معملين بلبنان شوفو بزحلة شو عملو شو ناقصنا نحن …. آبار فخر الدين اوقات بضخو ماي اوقات لا وقلي ساكن بجنوب بيفهم ازدي ناس كل جمعة بدها نقلتين 3 ماي ، الخوة لي عم تتاخد من ناس لي لكل معو خبرها وساكت، اصحاب المولدات لي عم ياكل حق ناس بسعر وبالتعدي علمنطقة وع شارع…. والله وين ما فين زعران ما بقربو
شفتو سنة نهر الليطاني شو عملو في من قرف المرامل قلي معروف لمين تابعة …..
اشرف ناس واكرم الناس لي قدمو دم وشهداء وجرحى من حقهم اقل مقومات الحياة واهم شي هلا ما يطلعلي واحد يقلي انو مش شغلة الحزب والحركة يأمنو ماي وكهرباء وامان … نحن انتخبناهن لا يحصلولنا حقوقنا.
ونقتطف بعض التعليقات..
علي باجوق: 100%صح ونحن الان وجها لوجه امام حقيقة مرة.. وكما نكون يولى علينا..
شفيق عمار: مية بالمية حكيم.. ونوابنا عم بيتلطوا خلف مواضيع سياسية واقليمية ويا حامي الحما
واذا سألتهم عن الماء والكهرباء فقط جوابهم الغير مباشر والذي أصبحوا يحترفون حنكة الكلام والسرد لجعلك تجاوب نفسك بحضورهم انو مش وقتها هالشغلة
وكانهم هم من يحارب ويفكر ويمنع عنا الاٍرهاب الاسرائيلي والتكفيري
نحن اشرف الناس غصباً عنهم. ونحن اكثر من يغار على مقاومتنا. ونحن من نقدس دماء شهداءنا. نحن من نقبل اقدام مجاهدينا
نحن بحاجة لمن يقاوم الاٍرهاب السياسي والاجتماعي الذي يقضي علينا وعلى ما احرزت مقاومتنا من انتصارات.
علي فقيه: هذه خيرات التحرير خي حسان ما شفنا منن الا الدمار والموت ع ابواب المستشفيات والامراض الخبيثة والغلا والفقر والطائفية والكره والبغضاء والمحسوبية ولك تفو ومليون تفو بزمانو ما تلوث عنا نهر بالجنوب او بحر الا لما اجو زبالة الحضارة والكفر.
محمد طراف: كل ما تحكي بقللولك انو بدك داعش تفوت تدبحك وتغتصب عرضك. انو الموضوع مش هاك بما انو نحن كا طائفة شيعية الوحيدن يلي عم نقدم دم وشهداء وجرحى وما ضل في بيت الا ما في شهداء او جريح فانحن اكتر ناس بحق النا انو نعيش بكرامة ومانضل تحت رحمة اصحاب المولدات وصهاريج المياه.
ابو علي: جماعة النواب والوزراء لي عنا جماعة بلطجية وحرمية موتونا نحن وعايشين وبعدهم جماعتنا بينطروا الانتخابات لا تجي يركضوا يصوتلهم ويتخانقوا عليهم شعب بيستاهل اكتر من هك.
