بالصوت.. «عقصة»: خلونا نحط بوكيمون فوق الأقصى للي مضيع «طريق القدس»

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى لعبة البوكيمون والتي أصبح هاجس ممتلكي الأجهزة الحديثة.

وجاء في الحلقة:
“لاحظت فجأة عالفايسبوك ..كذا واحد عم يكتب ويحكي عن البوكيمون، بالأول ما فهمت شو الموضوع، بعدين فهمت انه هيدي لعبة، فيها خليط بين الخيال والواقع، بين الوهم والحقيقة .. اللعبة عبارة عن انه الشركة المنتجة الها، بتحط بوكيمون بأماكن حقيقية قريبة من اللي عم يلعب مستخدمة الجي بي اس وموقعه الحالي، وعليه هو يروح لمطرح ما موجود هالبوكيمون ويضرب عليه حجر ليربح ..يعني شي فاخر عالآخر .. بالاول كانوا يعرفوا اماكننا من السيم كارت .. بعدين معه معه صاروا يتنصتوا علينا حتى لو الجهاز مطفي بعدين طلبوا يشاركوا معلوماتنا وصورنا ومناسباتنا، وهلأ هنة عم يحركونا مطرح ما بدهن .. بس انو مثلا اذا طلعلي بوكيمون بالمربع الامني بالضاحية او حد شي وزارة او مقابيل شي سفارة او على حيط شي ثكنة .. وكمشوني عم صور .. كيف رح يحاكموني؟؟
انه وفي تاريخ لم يمر عليه الزمن اقدم المدعو بلال مواس على تصوير اماكن حساسة امنيا ولذلك اقتضى تجريمه حسب قانون العقوبات تحت تهمة بوكيمون، وعقوبتعا ضربة الرزة المزدوجة من جريندايزر والكرة الفولاذية من الرجل الحديدي ويمكن ان تشدد العقوبة لتصل الى اومبازارون كوغا .. من السيد ساسوكي !!
بس يا ترى السؤال الجدي .. ممكن بعض اللي مضيعين طريق القدس .. وشايفينه بيمر عبر حلب والرقة ومضايا والقصير وبابا عمرو .. ممكن اذا بهيدي اللعبة حطولهن البوكيمون حد المسجد الأقصى .. قولكم رح يعرفوا يوصلوله ؟؟ او رح يضيعوا بالخطوط التخريبية السورية ؟؟
‫#‏عقصة_دبور‬”.

السابق
حزب الله: الإرهابيون ينفذون أجندات قوى غربية وعربية
التالي
هل على المسلمين الاعتذار من كارثة نيس؟