متل م الخمر بيموت غرقان
عجناب القوافي
متل م الورد
بي هالجرد
بيموت ذبلان
عكتاف الحفافي
بيجوا الغفيات
متل جنحك يا سنون
بيتعلقوا بكلمات عرّافي
………………………………..
وروح يا هالوعد
سرّب وبيعد بعد
لوينك ي هالعمر
ماشي متل شلعة عتم
وسنينك متل خطّافي
…………………………………..
لوّن جناحك يهالحسّون
مد الرّيش صوب الرّعد
تعمشق عباب ظنون
هونيك ذاب الورد
صاير صوب قبلة سكون
وبعد…
ملح الدمع عشفافي
………………………….
روح سآل عني الزرع
سآل لون الحبر والدحنون
صار النمل ينقل جمر
وحروف القصايد بالمنافي.
