"من يافا لبيروت…شعب واحد ما بموت". هي إحدى العبارات التي هتف بها الشباب الفلسطيني عشية يوم النكبة، في14.5.2011.
النظام السوري نظام ديمقراطي ويلي بقول غير هيك بدنا نطلعوا على الدولاب…شو فهمنا؟؟…..ديمقراطي!
لأ والأحلى إنو كتر منو ديمقراطي، بعيّن هوي المعارضة، بينقّيهن على ذوقو..!!
جماعة 8 آذار العين تحرسن، ماسكين الوضع الحكومي تمام، وبعد جمعة رح يمسكو الوضع المصرفي كمان، بما إنو رياض سلامة حاكم مصرف لبنان بتخلص ولايتو بعد جمعة، وبالدستور في حال ما في حكومة للتجديد أو للتعيين بيستلم النائب الأول ويلي هو شيعي….الله يستر من مشكل جديد!!!
سعد الدين الحريري: هيدي الغيبة الكبرى أو الصغرى؟؟ وينك؟؟؟
نجيب ميقاتي مع 8 آذار: يا نجيب خود وجيب.
مع إنو نجيب بيآمن بالمقولة: لا يموت الديب ولا يفنى الغنم.
بس ملاحظة إذا أمكن: Weak leaks هي مشروع الأمركان يلي معنون بـ"شرق أوسط جديد"، يعني سياسة "فرق تسد" إذا منكن ملاحظين!!!! والأحلى إنو كلوا حاكي عكلو..ما حدا سالم لا 8 ولا 14.
ميشال عون (أبو علي المسيحية): يعني يا محلا الشيعة بس ياخدو دور المستضعفين.
نبيه بري متل خبرية التلفزيون بدرس القراءة بكتب لغتي فرحي: سلاح ذو حدين.
زياد بارود: خالي من الرصاص.
