كل الخطة الاقتصادية ما إلها نفع اذا ما بتسترد الحكومة اليوم الأموال المنهوبة! ترف الوقت مش موجود! الظروف الاستثنائية بدها قرارات استثنائية! الباقي مش مهم! الاستدانة مصيبة زيادة، والضرايب الجديدة مرفوضة، ووعود الخطة مخدر وسمك ببحر مش اكتر! بلا قانون لقضاء مستقل وقضاء مستقل، ما بيجلس البلد. والزعران بالبلد هني السياسيين ومش بس الموظفين!
اقرأ أيضاً: الخبير سلامة لـ «جنوبية»: خطة ما بعد «السحسوح» لن تُعيد أموال المودعين!
خيارات حياتية
الحكومة بعدها عم تتغنج بخيارات حياتية يومية، بدل ما تساعد الناس. مش بس مش عم تساعدهن، هي مش عم تسمحلن يسحبو ولو قسم من مصرياتن، ولا سعر البنزين عم بتنزلو، وبعدها عم بتبيع أيام خط التشريج، وسعر الحليب وكيلو البندورة والمحارم والمعقمات… طايرين!
لازم الحكومة تختار، يا بيدفعو الزعران اليوم يا بيدفعو الاوادم كل العمر! والثورة مش رح تنطر ولا رح تعطي فرص. لا الكرامه ولا الجوع ولا الوجع ولا الفقر ولا الغلا فيهن ينطرو. الثوره صارت حاطه كتير شهدا، يللي بذكراهن الطيبة اليوم بتترحم عليهن وبتوعدهن انو مكملة تا تعمل حياة كريمة للناس بهالوطن!
