بعدما تصدّر عسكري في الجيش اللبناني أمس، قائمة وسوم “تويتر” تحت عنوان: “#كف_الناعمة” نسبةً للصفعة التي وجهها لأحد المتظاهرين الذي امتنع عن فتح الطريق في الناعمة ليل أمس الإثنين، أوضحت قيادة الجيش ما حصل.
إقرأ أيضاً: طريق الدامور والناعمة مقطوعة.. واقفال المؤسسات في الشوف
وقالت في في بيان صادر عن مديرية التوجيه أنه “بتاريخ 2 / 12 /2019 وأثناء قيام دورية من الجيش بفتح طريق الناعمة بعد إقفالها من قبل عدد من المعتصمين تعرضت إلى رشق بالحجارة، فأصيب عدد من العسكريين بجروح ورضوض”.
أضافت، “وأقدم أحد المعتصمين على إطلاق النار من مسدس حربي كان بحوزته ما دفع العسكريين إلى إطلاق النار في الهواء لتفريق المعتصمين وإعادة فتح الطريق”.
من جهتهم، عبّر مغردون على “تويتر” عن سعادتهم بالصفعة التي وجهها العسكري للمتظاهر، وقال راي حداد: ” ليوم رح يعملوا مجسم الثورة بي ساحة الشهداء مصنوع من اسنان خلدون “.
أمّا ريتشارد فقال: ” تقرير الطبيب الشرعي be like : كفّ بسرعة نيزك و قوّة تنّين فكّ حنكه الأيسر، فخت طبلة أذنه اليسرى من قوّة الضغط ، حَوَل مؤقت ، مع إيجابية وحيدة وهي تنشيط مركز ال behavior في الدماغ بعد ان كان عاطل عن العمل”.
من جهتها قالت نادين: ” هلق أيّ مفعوله أقوى؟ #كف_الناعمة أو السحسوح ع رقبة اللي قلهن ينزلوا”.
أمّا فوتين فكتبت: “خبطة #كف_الناعمة بالأرض هدّارة، انتو الأحبّة وإلكن الصدارة”.
وقال خليل: ” ٤٧ يوم قلبو محبّل العسكري قام نتعو كف فش خلقو وخلق ٥ مليون لبناني بطريقو”.
فيما عبّر جمال ترو عبر منشور على “فايسبوك” عن غضبه من التهكم على الشبا الذي تقى الصفعة قائلاً: “كف الناعمة ! قال عاملين صفحة ومبسوطين وعم ينكتوا على شب ما بيعرفوه وإنو هنا مهضومين
هيدا الشب من أكتر الناس المحترمة بحارتي، هيدا اللي من كم يوم صار حادث ركض عالأتوستراد وضهر الست من السيارة قبل ما سيارتها تحترق (الست من الجنوب) .
هيدا الشب اللي عم يشتغل ليل نهار ليطلع حق رغيف… هيدا الشب اللي ما عاز حدا لا هوي وصغير ولا هوي وكبير…
هيدا الشب اللي من فترة ما نام الليل عم بيطفي الحريق بالناعمة والحارة والمشرف…
مظبوط نزل عالطريق وسكر الطريق بس ليش؟
خليني خبركم بما انكم بتحبوا الأخبار …
نزل كرمال مطمر موت انرسم بحارتنا 18 سنة وهلق عم بيطالبوا يرجعوا يفتحوه.
نزل كرمال وظيفة دولة محرومين منها بمنطقتنا من كتير سنين وبلا سبب.
نزل كرمال رغيف خبز مش رح نلاقيه بعد كم يوم.
نزل كرمال مستشفى عم نموت عبوابها كل يوم
نزل كرمال علاء… نزل كرمال حسين… نزل كرمال أمه اللي إنحرم منها بكير….
أما بخصوص الكف … بيمون الوطن
بيمون الجيش… بيمون الفقر…. بس الكرامة ما بتهون ابدَا…وكرامتنا بجيشنا ونزلتنا عالشارع كرمال هالجيش وهالوطن وهالناس مش ضد حدا الا السلطة الفاسدة !
والأخوة بتتخانق وبتختلف بس بيضل الجيش جيشنا … وبيضل الجيشي خينا وبتضل حارة الناعمة حارة العز.
منقول”.
كما ونفّذ الجيش ومديرية المخابرات مداهمات في منطقه حارة الناعمة على أثر مواجهات ليل أمس.
