في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الى قضية الفتاة المغتصبة وإلى تعاطي المجتمع والإعلام مع هذا الملف.
وجاء في الحلقة:
“يعني والله شو ؟؟؟ شي بيرفع الراس .. بلد نضة .. ومجتمع أنض …. طفلة عمرها 15 سنة، تعرضت للاغتصاب من 3 وحوش بشرية والرابع سهّل .. ذكور وإناث .. شي بيتهم البنت أنو يابا شو وصلها على ضهر العين ؟؟ وشي بيقول برضاها، وشي بيقول تحت تأثير المخدر، وشي بيقول بقوة السلاح .. في مين بيطالب بمعاقبة البنت، وفي مين بيطالب بمعاقبة الشباب، ومين بيقول انتظروا التحقيقات لنشوف مين المجرم .. أوكيه .. أنا ما عندي مشكل بكل هالكلام .. بس عندي مشكل مع مجرم أكبر وأخطر وأحقر وأوسخ .. هالمجرم هو المجتمع الفاشل، اللي مش شاطر إلا بالتنظير، مجتمع كتب إسم البنت الثلاثي بصراحة، ورمّز للمجرمين بالحروف الأولى لأسماؤهن، مجتمع ذكوري بغيض، عافة منه ريحة العفونة الذكورية … أنه يابا البنت هي السبب .. وهي اللي أغوت وهي اللي طلعت وهي اللي شاركت ونفذت وخططت .. ويمكن على شوي .. هي اللي اغتصبت .. مجتمع .. عم يحكم عالبنت إذا أهلها مطلقين أو إذا أبوها آدمي أو لا وكأنه هالشي بيبرر اللي صار .. مجتمع أعور .. يتزعجة التاء المربوطة .. وبيشوفها دايما مغلوطة .. مجتمع ما صجق لقا موضوع ينتف فيه ويمط ويعلك .. ومش سألان عن مشاعر البنت أو أهلها .. ويمكن كل واحد لو كان الموضوع بيخص بنته .. كان سكت .. وضب لسانه وطالبن بالعدالة والقصاص من المجرمين .. مجتمع .. اغتصبها للبنت معنوياً .. أكتر بكتيييييييييير ما اغتصبوها هالمجرمين فعلياً !!”
إقرأ أيضاً: بالصوت.. عقصة لـ«ارهابي السعودية»: قالولك فجر حالك بالنبي لتفطر مع النبي
