تضررّ منزل الفنانة نادين نسيب نجيم في الانفجار وتعرّضت الممثلة اللبنانية لإصابات في جسدها ووجهها لتنشر صباح اليوم تفاصيل ما جرى في فيديو نشرته على صفحتها الشخصية عبر الانستغرام، وأرفقته برسالة سردت فيه اللحظات المُرعبة التي عاشتها فكتبت:
“بشكر ربي أولاً رجع خلقني وأعطاني عمر جديد. الانفجار كان قريب والمنظر مش متل الحكي فعلاً يلي بيفوت عالبيت وبيشوف الدم وين ما كان وكل شي مكسّر ما بيقول انه بعدنا عايشين، الحمدالله الف مرة عطاني القوة انزل ٢٢ طابق حافية مغطسة بالدم تأقدر خلص حالي”.
إقرأ أيضاً: فيديو جديد لتفجير مرفأ بيروت..عصف الإنفجار هز مبنى كنيسة في الأشرفية!
وأضافت “الناس كلها مدممة، جرحى، قتلى، سيارات مكسرة، ناس عم تصرخ وتبكي، وقفت سيارة قلتله دخيلك ساعدني، كان ابن حلال وصلني على أول مشفى رفضوا يستقبلوني لأنه كانت مكدسة بالجرحى، رجع اخدني على مشفى المشرق اسعفوني وخضعت لعملية ٦ ساعات لأنه نص وجهي وجسمي مدمم”.
وأضافت “بس يلي شفته عالارض صعب كتير ينوصف فعلاً وكأنه قنبلة نووية. شكراً يا رب انك حميتني، وحمدلله اولادي بخير وسلامة ما كانوا بالبيت. بشكر الله كل لحظة ويا رب ترحم الموتى وتشفي الجرحى”.
