بعد أكثر من عامين على صدور نتائج المحاسبين ما زال تعيينهم معلقاً، بسبب الوزير جبران باسيل الذي يرفض توقيع المرسوم لكون أغلبيته من المسلمين.
في هذا السياق كان للناجحين تحركات، كما لأهاليهم.
هذا النص أناه هو رسالة من والد أحد الناجحين، ننشرها كما وصلتنا دون أي تدخل:
“بس بدي اسال ليش عم يوقفوا المحاسبين لانو خمسون مسلم ناجح وخمسة مسيحيين ناجحين/ بدهم يطلبوا كل شي لهم والناس الباقية كانها ليسوا بشر/ السنا لبنانيبن متساوون بالحقوق والواجبات / عم يخرقوا الدستور كل يوم وما في مين يواجه لان مصالحهم هي الاساس وكأن هول الناس الناجحين المحاسبين في مجلس الخدمة المدنية مش ناس الهم أهل وبيتصرفوا وكأن الوطن ملك لهم / بس والله الزمن رح يلعن كل من لا يقف مع الحق ومن لا يدافع عن المظلومين/ ولازم يخجلوا من حالهم بيقولوا انهم مع بناء الوطن والمواطن وبتشوفهم من ناحية تانية عم يوظفوا حاشيتهم بدون خضوعهم لامتحان ولو المكان يلي وظفوهم فيه مش بحاجة لهذه الوظيفة وبيقولوا الدولة عاجزة ومنهارة/ كفاكم ايها المسوؤلون الضحك على الناس والمتاجرة بهم/ ودايما يحاول هول الشباب لقاء المسوؤلين ولكن ما حدا معبرهم وما عم يردوا عليهم / والله لو نحنا في دولة بتحترم حالها لهز هذا الموضوع كيان البلد/ هول الشباب من ابناء هذا الوطن/ انا بعتقد ما في فرق بين هول الشباب وبين اولادكم ايها المسؤولين ونحنا ربيناهم وتعبنا عليهم وتعبوا ودرسوا ونجحوا وبعدين بيجي مسؤول بيقول هول اسلام اكتر من مسيحيين ما منقبل نوظفهم / كل واحد عنده ضمير يحكي كلمته لان الوطن لا يبنى بهذه الطريقة بل هذا يبني التطرف والوطن ملك لأبناؤه جميعا ومن حقهم العيش بكرامة / اولادنا رح يضيعوا بسببكم فهل من يسمع وينتفض على الظلم/ نحن نريد العدالة والمساواة كي نشعر بأننا أبناء وطن واحد لبنانيين فقط امام بعضنا وفي الدين كل واحد هو حر بينه وبين ربه/ فالدين لله والوطن للجميع”.
إقرأ أيضاً: الناجحون في مجلس الخدمة المدنية: إلى إتخاذ خطوات تصعيدية اذا لم يتمّ توقيع المرسوم
