الطريق من المستشفى الحكومي للكولا بياخد ساعة وربع بسبب زحمة السير! الناس فوق بعض، والسيارات فوق بعض، والكل عم يتفشفش بالكل. لا بنى تحتية متل العالم ممكن تستوعد ازدياد اعداد العالم والسيارات، ولا خطط مستقبلية. وفجأة بيروح الانترنت وبتوصلك رسالة عن عطل بالكابلات. بتوصل على مقهى لتاخد رياحة بتلاقي الناس عم تحكي عن العجقة والميليشيات والبطالة والفقر والمحسوبيات. بتطلع من المقهى بتلاقي عجقة الناس، سوريين ولبنانيين، صغار وكبار بالسن، طالبين مساعدة مادية. شو هالمستنقع يلي عايشين فيه؟ كيف ممكن تحارب تجّار المخدرات اذا ما في بديل يؤمّن للناس حياة كريمة؟ كيف ممكن تقنع الناس بالاعتدال اذا ما أمّنت للناس فرص عمل وحياة كريمة؟ نعم لاعلان لبنان دولة فاشلة.. وأنا بحب أرمينيا أكتر من لبنان (والمصحف الشريف)
