عامل لبناني وعامل سوري يتعايدان في عيد العمال العالمي
- ينعاد عليك
- وعليك يا رب
- وين هالغيبة؟
- من الشغل للبيت، ما عم استرجي اتجول كتير. يمكن يرحلونا.
- وانت شو حابب، تبقى هون او ترجع على سوريا؟
- لا حابب ابقى هون ولا ارجع على سوريا، حابب روح على تركيا أو على أوروبا. بتعرفلك شي حدن بهرّب لهونيك؟
- لو بعرف كنت شايفني هون؟
- بركي منترافق بهالحالة، شو رأيك؟
- والله مش غلط. وين ما رحنا بعاملوا العمال احسن.
- اكيد، عندن نقابات بتدافع عنا، مش متل لبنان وسوريا، ما حدا بيسأل عنا، النقابات بتشتغل عند السلطة.
- خلّينا ندرسها جديا، والله احلى شي نكون عم نعيّد سنة الجاي بشي بلد بيحترمنا.
- اتكل على الله.
