في حادثة مؤلمة وظالمة بحق عنصر في فوج الاطفاء الذي يعاني وعائلته من الازمة الاقتصادية الخانقة، كشف الاعلامي جو معلوف ان “العقيد عجوز عاقب العنصر في فوج الإطفاء خليل فرشوخ لمجرد إنو طالب بدوا لبنته عمواقع التواصل”!
وتابع في منشور عبر حسابه على “فايسبوك” اليوم الجمعة: “الرحمة يا حضرة العقيد.. ارحموا العناصر اللي عم تسعفنا ليل نهار ومتلها متل هالناس عم تعاني من أقسى أزمة عم تمرق علينا”، داعياً العقيد “للتراجع عن العقوبة فوراً”.
وقال: “حرام عليكن.. ارحموا من في الأرض ليرحمكم.وينك يا جمال عيتاني؟ ويا أموال البلدية تساعد فيها عناصرك.. بنته للزلمي مريضة وما عم تقدر تاكل من سنة!! عم يشكي همه بتعاقبوه؟؟؟ وين ضميركن”؟
وختم: “من سنة ونص مقدّم هالعنصر طلب ليشتري ماكينة اوكسجين ودوا لبنته اللي عم تصارع الموت! بدال ما تصرفوا ملايين الدولارات على زينة الأعياد لتنفّعوا الجمعية المدعوم منكم سياسيا ساعدوا عناصرك.. ساعدوا اهل بيتكن يا بلا ضمير”!
