هيفا وهبي تنفجر غضباً: «الشعب كل همه فايسبوك وانستغرام!»

هيفاء وهبي

لا تزال حجم الكارثة التي ألمت ببيروت تلقي بثقلها على كافة المجالات، وآخر الأصوات التي انفجرت غضباً كانت الفنانة هيفاء وهبي بعد جولة من المعاناة مع مدير أعمالها السابق محمد وزيري وتضرر منزلها في بيروت خلال التفجير، ما دفع هيفا لكتابة رسالة عبر خاصية الستوري والحديث بلهجة غاضبة جعلت من كلمات هيفاء تريند خلال ساعات الليل عبر مواقع التواصل الاجتماعي.

وبدأت هيفاء وهبي رسالتها بالقول “لو ركّزنا بالشعوب، رح نلاقي انو كل شعب عنده مشاكل بدّو عمر فوق عمره لتنحلّ وتنتهي. بس الشعب كلّ همّه انستغرام وفيسبوك، ومين ركب على مين، ومين زفت مع مين، وهيدي كذّابة وهيدا ممثل، العالم بعدها تحت الانقاض وانتو همكم تغنّوا كراوكي على مصايبنا”.

إقرأ أيضاً: في أول تعليق لها بعد التفجير.. منزل هيفاء وهبي مدمر بالكامل!

وأضافت “نحنا شعوب بتستاهل اللي عم بيصير فيها. ما كنّا نتعلّم من كلّ هالفترة اللي مضت انه ربنا صار باعت مليار رسالة. بس لأ التفاهة أهم! النميمة أهم! الرموش بهيدي الطريقة أهم! وتفاهة ما بعدها تفاهة. والسرّاق تمام والمسروق بيستاهل، والي مفكّر حاله صحفي ويتورّط مع الأغبياء وينشر حيالله شي حتى لو الخبر مأخوذ من سطل زبالة! وفلان قال وفلانة ردّت وللقرف بقيّة…”.

وختمت هيفاء رسالتها قائلةً “لأ على فكرة عنّا مصيبة لبنانيّة كبيرة، وبعدنا عايشينا وإذا انت نسيت فهيدا شأنك، بس ما تجرّب تسمح لحالك تتعامل معنا على اننا خلصنا وتجرجرني معك لمواضيع مش وقتها، ولا رح اسمحلك تستغلّ عدم ردّي على اني ساكتة او ما عندي علم. لا!! بس مش وقته”

السابق
إعلان حالة الطوارىء في طرابلس.. اليكم الاجراءات الحازمة المتّبعة!
التالي
بعد إنفجار المرفأ:عشرات اللبنانيين يغادرون البلد.. ومديرية الطيران تعلّق! (صورة)