إنتصارات وهمية لوزير الصحة.. العلم بالمرصاد ويفنّد أسباب القلق!

وزير الصحة حمد حسن

بعدما طمئن وزير الصحة حمد حسن أمس الثلاثاء اللبنانيين ووعدهم بأنها ايام قليلة وسنعلن انتصارنا على وباء الكورونا، كان العلم بالمرصاد لإدعاءات الوزير وانتصاراته الوهمية، حيث فنّد الطبيب هادي مراد اسباب القلق قائلاً: “خلينا نكون علميين، وننسى السياسة والكون ونحطن عجنب. ليش ما فيك تطمن الشعب وتقلوا انتصرنا نحن وعاملين فقط ٩٠٠٠ فحصPCR؟ليش الأرقام بموضوع الـcovid19 ممكن تضلّل وتخلينا نحس إنو نحن بأمان بوقت لازم ناخد أقصى الاحتياطات اللازمة بهالوقت تحديدًا”؟

إقرأ أيضاً: بالفيديو: العالم ينهار.. ووزير الصحة متفائل: «مشوار كورونا قرب يخلص»!

أضاف بمنشور له عبر “فايسبوك”: “ب٤٦ يوم نحن كدولة لبنانية (٤ ملايين نسمة) عاملين ما يقارب ٩٠٠٠ فحص إجمالًا بمعدل ١٩٥ فحص يوميًا وهيدا رقم جدًا جدًا متدني وبالطب الإحصائي بسمّوا SAMPLE is not represeanatative أي إنو العيّنة قليلة جدًا وما بتمثل الرقم الدقيق وهيك نحن مبسوطين وفرحانين إنو عنا ٥٤٠ إصابة فقط، بس ٥٤٠ من أصل أديه؟ من أصل ١٠٠ الف فحص يا ترى؟ من أصل ٩٠٠٠ فقط، أي ٩٠٠٠ لبناني خضعوا للفحص من أصل ٤ ملايين مواطن إذا اعتبرنا ال٤ مليون رقم دقيق”.

وقال: “مناخد مثال أوستراليا ب ١٤ يوم عملت ٣١٠ آلاف فحص من أصل ٢٤ مليون نسمة أي ١٣ الف فحص لكل مليون نسمة وهيدا رقم ممتاز وطلع منو ٥٠٠٠ إصابة وهيدي العينة كفيلة إنّو تكون فيها دقة عالية. بالامارات العربية المتحدة لليوم ٢٢٠ ألف فحص انعمل من اصل ٩ مليون نسمة بمعدل ٢٤ الف فحص لكل مليون نسمة وهيدا رقم ضخم طبيًا. بأميركا ما يقارب المليونين PCR انعمل بظرف ٢٠ يوم…ونحن بلبنان عدد الفحوصات للي انعملت حتى اليوم لا تتعدى ال٩٠٠٠ فحص على مقربة من عدد الفحوصات للي انعملت بدول منوصفا بدول عالم الرابع والخامس متل ٥٠٠٠ فحص ببنغلادش”.

أضاف: “عم نحكي علم، عم نحكي أرقام، فينا ما نعمل ولا فحصPCR متل ما عم بصير تقريبًا بسوريا ونقول الحمدالله دولتنا خالية من الإصابات، بس مش هون العبرة، العبرة إنك تعمل أكبر عدد من الفحوصات وبعدين تطلع وتطمّن شعبك وتقلوا رح ننتصر، ونحكي بالماورائيات والعواطف والحب.ولكن على العلم السلام”.

وختم: “المطلوب ينعمل ٤٠٠٠ فحص PCR على الأقل يوميًا بمعدل ١٠٠٠ فحص لكل مليون نسمة وهيدي توصيات عالمية وهيك اكتشفوا الأرقام الهائلة بإيطاليا وبإسبانيا لما كانوا عم يعملوا يوميًا ٣٠ ألف فحص واكتشفوا العدو الCOVID قبل ما يطمنوا شعبن بكلام في الهواء ويقولولن يلا يومين ومننتصر بوقت اسم الله الشعب اللبناني بدو دقرة وبينزل عالأرض ليعيش حياتو الطبيعية ملاحظة للي بدو يتفلسف من وين جبنا الأرقام فنحن أخدناها من الموقع الرسمي للcovid19 WOLRDOMETER”.

خلينا نكون علميين، وننسى السياسة والكون ونحطن عجنب.ليش ما فيك تطمن الشعب وتقلوا انتصرنا نحن وعاملين فقط ٩٠٠٠…

Gepostet von Hadi Mourad am Dienstag, 7. April 2020
السابق
بعد الارتفاع القياسي بسعر الخضار.. ضربة قاسية للتجار من وزارة الزراعة!
التالي
طائرات العائدين «ملغومة».. 11 اصابة كورونا على متن طائرتي مدريد وباريس!