كتاب مفتوح للمشنوق: يا طبق القانون يا أفرطوا الدولة

رصاصة طائشة ابتهاجاً بعودة الحجاج أنهت حياة ابنة الـ18 عاماً، ريم التي كانت أمام منزل ذويها في بحنين أصابها طلق ناري في الرأس سببه رصاص الابتهاج الذي أطلق في مناسبة عودة الحجاج. هذه الفاجعة دفعت الناشطة لارا صقر إلى توجيه نداء إلى وزير الداخلية والبلديات نهاد المشنوق.

إلى معالي وزير الداخلية نهاد المشنوق!
معاليك بتعرف ليش في صبية اليوم توفت نتيجة رصاصة طايشة؟
خليني خبرك ليش!
لأنه وقت حضرتك طلعت وهددت كل مين بيقوص رصاصة رح ينزت بالحبس، ما نفذت.
لأنو حضرتك.. اي حضرتك.. طلعت بعدها بيومان وخبرتنا انو الي انحبسوا ضهروا نتيجة ضغوط سياسية!
دم هالصبية بتتحمله معاليك لانك سكتت عن هويات اصحاب الضغوطات السياسية ولأنك أكدت انه بلبنان المزرعة ما في قانون في تسييس.
دم هالصبية هو بسبب هالعجز والفشل والفساد والتواطؤ والتسيب بالمحاسبة!
بسبب سمو الواسطات على القوانين وانتشار المحسوبيات والتبعيات!
كل هودي هن الي قتلوها لـ”ريم”
لو مرة وحدة، مرة وحدة بس بيتحاسب المجرم بهالبلد ما كانت ريم ماتت اليوم!

معاليك إنت مسؤول عن كل حدا بيموت نتيجة فلتان السلاح!
لا بتقبل تكون مسؤول ولا بدك تستقيل.. اي اسمحلي… يا طبق هالقانون يا فرطوها لهالدولة!
#مزرعة_لبنان

إقرأ أيضاً: احتفال رسمي غدا والمشنوق: أبو بلقيس قتل العسكريين المختطفين

آخر تحديث: 12 سبتمبر، 2017 2:28 م

مقالات تهمك >>