يمكن ( و سمعتها ) حدا يطلع يقلي ليه انتي عم بتخوني حزب ايران ، بتتهميهم بالعمالة و بتساويهم بعملاء العدو الاسرائيلي بل ألعن
مش أنا عم خونهم هني عم يعترفوا بولائهم المطلق للولي (..)
مش أنا حاملي العلم الإيراني بدل اللبناني و بتفاخر بهالشي ، هني
مش أنا يلي دعست على العلم اللبناني و رفعت الراية الصفراء ، هني
(..) طلع بلسانه اعترف بجريمته و ادعى انها عفوية ، ما كانوا مقنعين بالعكس ظهروا بقمصانهم السود و أشرطتهم الصفراء كالعادة
فشروا مش نحنا شيعة السفارة و لا واقفين على بواب اي سفارة، هني
شو كانوا عم يعملوا جنب سفارة الفرس ،
اذا راح هاشم يطلق صرخة بوجه الفرس حتى يكفوا أيدهم عنا و عن بلدنا ، هني شو دخلهم حراس السفارة و ليه يقتلوه !!!
بأمر من مين منع التحقيق و تقاعس القضاء اللبناني !! بأمر من السفارة الإيرانية ، يعني هني
مش أنا عم قول عم يقبضوا من الفرس و أسلحتهم من الفرس و تدريبهم و تمويلهم و (المال النظيف) من الفرس ، هني بشخص و لسان الوالي (..)
مش أنا بدي حارب بسوريا و العراق و اليمن و حتى بالبوسنة ، هني
و حيث يجب او يطلب منهم الفرس ان يكونوا سيكونون
مش أنا يلي اغتلت قادة ثورة الأرز ، هني
و المتهمين صاروا قديسين ،
(..) صار يطوب القتلة قديسين ، مين هو و مين بيكون و مين نصبه غير سلاحه و زعرناته و عدة الدجل و النصب و الاحتيال يلي متلطي فيها بلباس رجل دين
مش أنا قلت بدي حول وجه لبنان متل ما ادعى الحيط من كاباريه الى مقاومة ( مقاولة )
إقرأ أيضاً: هاشم السلمان: ظلم القضاء.. وعدالة الهراوات والرصاص
مش أنا ادعيت بدي قاوم اسرائيل و رجعت قتلت القادة و المقاومين الحقيقيين يلي وقفوا بوجه العدو الاسرائيلي و رجعت وقفتله حارس عالحدود و وجهت بندقيتي الى الداخل اللبناني و الى الدول العربية ، هني
مش أنا يلي قلت بدي اقطع يد حدا ، هو و جوقته قالوها ، اليد التي ستمتد الى سلاحهم سوف يقطعوها ( و مع هزة إصبع )
مش أنا يلي اقتحمت بيروت و اذليت ابناءها و بعدين أعلنته يوم مجيد ، هني
إقرأ أيضاً: 7 أيار: مقاومة تمجد ولبنانيون يعلقون «يوم عاركم»
مش أنا يلي قلت اني جندي باي دولة أو ولاية غير لبنان و لا ببوس و بنحني لحدا ، (..) الجندي الصغيرو يتفاخر و ينحني و يقبل يد الولي (..).
مش أنا وقت يلي بدي بقحم لبنان و اللبنانيين بحرب ما بدهم ياها و بعدين بقول لو كنت اعلم ! هني
هني و هني و هني حرين بمعتقداتهم بس مش حرين يفرضوها على اللبنانيين جميعا و على الدولة بالقوة و بالسلاح و القتل و القمع
اسرائيل أكيد عدو و مغتصب لدولة عربية أما ايران و الفرس احتلوا و عم بيقاتلوا بأكتر من دولة عربية تمهيداً للسيطرة الكاملة عليها
