بتتذكرونا بس وقت الانتخابات

أهالي خريجين وتلاميذ الليسيه عبد القادر يناشدون الرئيس سعد الحريري ومفتي الجمهوريه اللبنانيه ونواب بيروت، يلي انتخبناهن من كم شهر، للضغط من أجل إبقاء هذا التراث العريق وهذا الارث الثقافي لبيروت واهلها كما نناشد السفاره الفرنسيه أن تتعاون للمحافظه على المدرسه ومعاييرها والإيفاء بالوعود يلي على مر خمس سنوات اعطتونا اياها.
اولاد الليسيه هم المستقبل، مستقبل بلد عايشين فيه متحملين فيه التلوث البيئي والغذاء الملوث والمياه الملوثه، متحملين فيه غلاء المعيشه وزودات مدرسيه بلا مبرر، والضرايب يلي تفرض علينا وما ننعطى شي بالمقابل.
كان أملنا نربي ولادنا يلي عايشين وعم نشتغل كرمالن متل ما نحنا بدنا بمدرسه بقلب بيروت عمرها أكثر من 120 سنه، حافظ عليها رفيق الحريري وكانت اولى انجازاته… شو بدي إحكي لإحكي…

شو بعد فيها بيروت لأهل بيروت؟! بتتذكرونا بس وقت الانتخابات….

آخر تحديث: 7 نوفمبر، 2018 2:04 م

مقالات تهمك >>

ننصحكم >>