#يا وعي أدركنا!

فسّر لي كيف عم تعمل مجلس عاشورائي على كهرباء الإشتراك وعم تهتف هيهات منا الذلة؟

كيف عم تعمل المجلس ومطامر النفايات ومكبات الزبالة وعشرات آلاف المولدات الكهربائية حارقة دين صحتك وجيبتك وأنت عم تهتف هيهات منا الذلة؟

يا عزيزي اقنعني كيف هيهات منا الذلة وابنك بالكاد الو مطرح بالمدرسة الرسمية، ولما بدك تفوّت حدا من عيلتك عالمستشفى بدك تبوس 100 إيد لتاخد موافقة على حساب وزارة الصحة، أو إذا حدا منهم قدم على وظيفة رسمية بدو يبوس إجر الزعيم لحتى ينقبل حاجب أو حارس؟

أيمتا بدك توعى وتعرف أنه الدين هو منع التحكم بمصيرك وتوارث السلطة وإذلالك بلقمة عيشك وإهانة كرامتك؟

قولك اللي منع الباخرة تضوي جنوبنا قاعد عالعتمة؟

كل مجلس عزاء عاشورائي لا يذكر فيه فساد سياسيينا ووجوب الثورة عليهم لا يعول عليه ويبقى مجرد تراجيديا استهلكناها ويستعملها البعض للإرتزاق أو للتحكم بعقولنا وإراداتنا.

فكر فيها شوي وميّز حالك عن باقي مخلوقات ربنا.

#يا_وعي_أدركنا

السابق
فضلي: على أميركا الإعتذار من إيران والعالم
التالي
تركيا ستُعيد مليون و600 ألف لاجئ الى سوريا