أثارت الفنانة السورية أصالة نصري جدلا واسعا على مواقع التواصل الإجتماعي، بعدما نشرت تغريدة لها شاركت فيها متابعيها حزنها الشديد بسبب خوف بعض الأشخاص السوريين من التعامل معها إن كان في مجال الفن أو إجتماعيا.
وعلّقت بالقول “أن جدّ زعلانه ومن قلبي زعلانة. معقول المواضيع هالقدّ بتمشي بالعكس؟”.
ويبدو أن خوف السوريون من التعامل معها هو بسبب مواقفها الحادة المعارضة للنظام السوري.
إقرأ ايضًا: اعتقال أصالة: إدمان كوكايين أم استهداف معارضين سوريين؟
مسا الخير… بدّي أحكي لكم حكايتين صاروا معي مبارح واليوم كتير مستغربتهم !!! فيه ملحّن سوري أنا حابّه شغله ، وقلت بلكي بسمع منّه شي، فا قال الأستاذ( هي فرصه كبيره ، إنَّما أنا بخاف أتعامل مع أصاله !) ، قالوله الوسطاء ( وهي من عندهم) طب ماينزل إسمك على العمل ، قال(بخاف ينعرف).
— Assala (@AssalaOfficial) June 30, 2018
والقصّة التانيه… فيه ناس كمان سوريّين، اهتمّوا بولادي وبعرف إنّهم اهتمّوا مشاني، شكرتهم وقلت دلّعهم زياده وأعملّ لهم بوست عالأنستغرام، بس قلت خلّيني أسألهم أوّل.. الست تقريباً صارت تبكي وتترجّاتي مافكّر بالموضوع ( مو تواضع!! بل خايفه من أهلها الّلي بالشام يقاطعوها) ،معقول؟!
— Assala (@AssalaOfficial) June 30, 2018
عادة بفكّر زيليون مرّه قبل ماأنشر أيّ موضوع ، حتّى لو سخيف، إنّما هالمرّه مو قادره ماعبّر وقول ، أنا عن جدّ زعلانه ، ومن قلبي زعلانه، معقول المواضيع هالقدّ بتمشي بالعكس!؟ ( إستغراب فسؤال).
— Assala (@AssalaOfficial) June 30, 2018