بلال مواس:ما قاله شربل خليل ينال من كرامة رسول الله

يا سماحة مفتي الجمهورية .. يا كل المراجع الروحية .. المسيحية قبل الإسلامية .. لما إنسان وضيع وتافه متل شربل خليل .. يتطاول على رسول الله صلى الله عليه وسلم .. ساعتها لازم تتحركوا وتتصرفوا
لو حدا تطاول على رئيس الجمهورية .. القانون هيكون إله بالمرصاد .. لو واحد دق بزعيم سياسي .. هتلاقي كل جمهوره انتفضوا ويمكن قطعوا طرقات وحرقوا دواليب .. بس إذا حدا استهزئ بالنبي صلى الله عليه وسلم .. بتلاقي الكل سكت ومستحي يفتح تمه
شربل خليل .. عنصري رخيص تافه .. كل همه يتطاول على الرموز الدينية .. وتحديداً الإسلامية .. شربل خليل مش مسيحي .. لأنه اللي بيآمن فعلياً بالمسيح .. بيؤمن أنه الأنبياء إخوة .. وبيحترمهن كلهن
شربل خليل .. حقود متطرف داعشي .. بيستغل كل حدث وكل لحظة ليتطاول على الأنبياء والمرسلين .. بينتظر أدنى فرصة .. ليستهزئ بالحجاب اللي كانت لابسته ستنا مريم وأمهات المؤمنين أو اللحية .. اللي كانت موجودة على وجه سيدنا عيسى أو محمد عليهم السلام
ببرنامجه الساقط .. قدح وجم .. قدح شربل خليل بالنبي صلى الله عليه وسلم .. وتناوله بطريقة سوقية رخيصة .. وين قانون الاعلام أو المطبوعات أو ما بعرف أي قانون بينطبق عليه .. حتى يلجمه ويوقفه عند حده
فرق كبير بين الحرية وبين التطاول وقلة الأدب والسخرية .. من رموز دينية أياً كانت .. وياللي بظن أنه المفروض القانون اللبناني بيلحظ هيك تصرفات وبيعاقب عليها .. في حال وجدت دولة
قبل ما تتخانقوا يا سنة .. مين زعيم الطائفة .. تفضلوا اعملوا خطوة دفاعاً عن زعيم الأمة وإمام المرسلين .. تفضلوا يا شيعة قبل ما تنتفضوا إذا حدا حكي على السيد أو الأستاذ .. انتفضوا لسيد الخلق .. ومعلم البشرية الخير
كلامي اليوم .. مش طائفية .. حتى وإن سميت الأمور بأسماءها .. كلامي اليوم .. واجب .. أمرني فيه رب العالمين .. وحق كفله إلي الدستور اللبناني .. وبالتالي .. بتمنى من النيابات العامة .. تعتبر كلامي إخبار إلها حتى تتحرك وتخرس هيدا الصوت منعاً للفتنة بالبلد أو على الأقل نلاقي محامي أو أكتر .. يعتبروا حالهن عم يتوكلوا عن أعظم الخلق عن رسول الله صلى الله عليه وسلم .. وينالوا شرف الدفاع عنه!

إقرأ أيضاً: شربل خليل: فضل شاكر حقير!

 

آخر تحديث: 31 مارس، 2018 1:08 م

مقالات تهمك >>

ننصحكم >>